I. TAMANUT TUNNGASSUTEQARTUT.
2003-mut aningaasatigut siumut missingersuutitut takussutissiap ersersippai 2003-timi Kattuffiup aningaasaqarniarnissaanut suliariniagassaannullu siulersuisut naatsorsuutigisaat.
Ilaasortaanermut akiliutissat missingersuusiorneqarput 10,16 mio. kr.-inut amerlassuseqartussanngorlugit kiisalu ingerlatsinermut aningaasartuutissat missingersuusiorneqarlutik 10,16 mio. kr.-inik amerlassuseqartussanngorlugit. Aningaasatigut siumut missingersuusiorfiusuni sinneqartooruteqalaarumaarnissaq missingersuusiorneqarpoq.
Akit akissarsiallu 3%-timik qaffannissaat naatsorsuutigineqarpoq tamatumalu kingunerisaanik ilaasortaanermut akiliutit 295.000 kr.-inik qaffattussanngortinneqarlutik.
Aammattaaq innersuussutigineqassapput missingersuutit kisitsisitaasa ataasiakkaat oqaasertaat ataani allanneqarsimasut.
Siulersuisut inassutigissavaat 2003-mut aningaasatig ut siumut missingersuutitut siunnersuutit aallartitatut ataatsimiittunit akuersissutigineqassasut.
II. ISERTITASSAT.
Ilaasortaanermut akiliutitigut isertitassat missingersuusiorneqarput 10.160.000 kr.-inut, tassa ilaasortaanermut akiliutit 3 %-timik 295.000 kr.-it nalinginut akit akissarsiallu qaffanneqarnerinut matusissutaasussanik qaffanneqartussatut naatsorsuunneqarmata.
III. INGERLATSINERMUT ANINGAASARTUUTIT.
A. POLITIKKIKKUT SULINIUTISSAT.
Aallartitat ataatsimiinnissaat.
Aallartitat ataatsimiinnissaannut aningaasartuutissanut killiliussani naatsorsuunneqarput aallartitatut ataatsimiigiartussat 21-it, siulersuisunut ilaasortat 5-it kiisalu allaffimmit peqataasussat 6-it angalanissaannut akunnisimanissaannullu aningaasartuutissat.
Ullut marluk aallartitanut ataatsimiiffissanngortinneqarput angalaniarnissanut naapertuuttussanngortillugit.
Naatsorsuutigineqarpoq aallartitat ataatsimiinnissaat ingerlanneqarumaartoq sumiiffimmi ataatsimiinnerup taama annertussuseqartup aningaasartuuteqarfiunissaanut naapertuuttumik periarfissaqarfiusumi.
Danmarkimi KL-imit tikeraarteqarnissat inunnut 4 – 5-nut missingersuusiorneqarpoq, naatsorsuutigineqarluni taakkua nammineerlutik angalanermut aningaasartuutissatik aningaasartuutigiumaaraat.
Siulersuisut.
Akissarsiassanut 510.000 kr.-it missaat aningaasartuutissanullu allanut 325.000 kr.-it missaat missingersuutigineqarput, taakkunannga 300.000 kr.-it angalaanerni aningaasartuutaasartussanut.
Naatsorsuutigineqarpoq siulersuisut pingasoriarlutik-sisamariarlutik naapillutik ataatsimiittarumaartut. Tamatuma saniatigut siulersuisut oqaluuttaatikkut akulikitsumik ataatsimiittartussaassapput.
Ataatsimiittarnissat allat.
Konto-mi tassani politikkikkut sulianut siulersuisunut imaluunniit siulittaasumut tunngassuteqanngitsunut aningaasartuutaasartussat akilerneqartassapput. Pingaartumik pineqarput inuit siulersuisunit toqqagaallutik politikkikkut soqutigisanik suliaqartinneqartunut kiisalu ataatsimiititaliani ilaasortaatinneqartunut tunngatillugit aningaasartuutaasartussat. Missingersuutigineqarput 150.000 kr.-it, taakkulu 2002-imi atorneqartussatut naatsorsuutigineqartunit annikinnerungaatsiarput.
Siulittaasoq.
Siulittaasumut akissarsiassat siulittaasuusimasumullu akissarsiaritikkallagassat soraarnerussutisiassatullu pisussaaffigisat 700.000 kr.-it missaannut missingersuusiorfigineqarput. Isiginiarneqarsimavoq siulittaasuusimasup soraarnerussutisiaasa naalagaaffimmit soraarnerussutisiaanit annikillisaavigineqarnissaat. Aningaasartuutissanut allanut, matuma ataani suliamut atatillugu angalasarnissanut, allaffimmi atortussanut akunnisimanermilu aningaasartuutissanut 2003-mi immikkoortinneqarput 290.000 kr.-it, taakkunannga 200.000 kr.-it angalasarnerni aningaasartuutissanut.
B. ALLATTOQARFIK.
Aningaasartuutissat ilanngaaffigeriikkat katillutik missingersuunneqarput 7.930.000 kr.-inut.
Akissarsiat.
Akissarsianut aningaasartuutissat 5,9 mio.kr.-it missaannut missingersuusiorneqarput. Sulisussatut uku missingersuutigineqarput:
1 pisortaq
8 siunnersortit
1 allaffiup pisortaa
1 naatsorsuuserisoq
1 pikkorissartisinermut ataqatigiissaarisoq
1 nutserisoq, ullup ilaannaanut
1 allaffimmiuuneq/allatsi
1 kontorassistenti
Taakkua saniatigut nalunaaquttap akunnermusialinnut il.il. aningaasarsiarititassat aningaasartassaannik illuartitsisoqarpoq. Siunnersortinut arfineqa pingasuusunut ilanngunneqarput Kattuffiup nittartagaanut aaqqissuisuusut. 2002-mi missingersuutinut naleqqiullugu siunnersorti ataaseq ilinniartorlu ataaseq annikillisaassutigineqarput, taamatullu aamma nalunaaquttap akunnermusialinnut aningaasaliissutit annikillisaavigineqarlutik.
Ingerlatsinerit allat.
Ingerlatsinerit allat 2,4 mio. kr.-it missaannik missingersuusiorfigineqarput. Annerpaamik aningaasartuuteqarfiusussat tassaapput:
Attartortitsinermi isertitassat aamma siunnersorteqarnikkut isertitassat.
Siunnersorteqarnikkut isertitassatut missingersuutigineqarput 300.000 kr.-it pikkorissartitsisarnikkut pissarsiarineqartussatut, matuma ataani immikkut siunnersortit atorlugit ikiorsiisarnermi kiisalu attartortitsinermi isertitassatut naatsorsorneqarlutik 75.000 kr.-inut, taakkunannga 50.000 kr.-it KIT-imut akissarsianik suliaqarnermut, kiisalu Mokana-mut ataatsimiigiartarnissanut aningaasartuutaasartussat ilaasa matussutissiivigineqartarnissaannut 20.000 kr.-it.
C. SULISUNUT INISSIAT.
Sulisunut inissiat ingerlanneqarnerinut, matuma ataani aserfallatsaalineqarnerinut, aningaasartuutissatut missingersuutigineqarput 315.000 kr.-it.
Ininik 10-nik attartortitsinermi isertitassatut missingersuusiarineqarput 950.000 kr.-it. Taamaaliornermi naatsorsuutigineqarpoq inissiat sisamat nalinginnaasumik attartortitsisarnermi tunngavissarititaasut naapertorlugit attartortinneqarnissaat, sinnerisalu Kattuffimmi sulisunut inissiatut atorneqarnissaat, taamaalillutillu attartortitsisarnermi nalinginnaasumik atugassarititaasut atorlugit attartortinneqarnissaat. Apeqqutaalluni Kattuffiup sulisuminut inissianik atuinissaminik qanoq pisariaqartitsitiginissaa isertitassat qullariarnissamut appariarnissamullu sammisinnaassapput.
D. ALLAFFIUP ILLUTAA
Allaffiup illutaata ingerlanneranut, matuma ataani aserfallatsaalineranut, aningaasartuutissatut missingersuusiarineqarput 800.000 kr.-inut.
Qaliap qaavata taarsersorneqarnissaanut silaannarissarfiillu iluarsaanneqarnissaannut aningaasartuutissatut missingersuusiarineqarput 420.000 kr.-it.
Allaffiup initaasa KIT A/S-imut attartortinnerisigut isertitassatut KIT-llu allaffiup illutaani ingerlatsinermi aningaasartuutinut akileeqataassutissaattut, soorlu eqqiaanermut, missingiunneqarput 430.000 kr.-it.
E. ERNIAT.
Erniatigut isertitassatut 150.000 kr.-it erniatigullu aningaasartuutissatut 130.000 kr.-it missingersuusiarineqarput. Erniatigut aningaasartuutissat sulisut inissiat pillugit taarsigassarsiaasimasunut tunngassuteqarput.
|
|
Budgetimut takussutissiaq 2003 |
| ||||
|
|
Naatsorsuutit |
Miss. |
Miss. |
Miss. |
Miss. |
Miss. |
|
|
2001 |
2002 |
2003 |
2004 |
2005 |
2006 |
|
|
kroner |
1.000 kr. |
1.000 kr. |
1.000 kr. |
1.000 kr. |
1.000 kr. |
|
Isertitat |
|
|
|
|
|
|
|
Ilaas. akiliutit |
-9.590.999 |
-9.865 |
-10.160 |
-10.160 |
-10.160 |
-10.160 |
|
Isertitat |
-9.590.999 |
-9.865 |
-10.160 |
-10.160 |
-10.160 |
-10.160 |
|
|
|
|
|
|
|
|
|
Ingerl. aningaas. |
|
|
|
|
|
|
|
|
|
|
|
|
|
|
|
Politikkikkut suliniutit |
|
|
|
|
|
|
|
Aall. ataats. |
432.377 |
575 |
540 |
540 |
540 |
540 |
|
Siulersuisut |
807.764 |
775 |
835 |
835 |
855 |
835 |
|
Ataats. aningaas. allat |
39.355 |
200 |
150 |
150 |
150 |
150 |
|
Siulittaasoq |
1.195.452 |
1290 |
990 |
990 |
1140 |
990 |
|
Politikkikkut suliniutit katill. |
2.474.948 |
2.840 |
2.515 |
2.515 |
2.685 |
2.515 |
|
|
|
|
|
|
|
|
|
Allattoqarfik |
|
|
|
|
|
|
|
Aningaasartuutit |
8.573.414 |
8430 |
8350 |
8470 |
8565 |
8395 |
|
Siunn. isertitat il.il. |
-643.385 |
-225 |
-375 |
-375 |
-750 |
-300 |
|
|
|
|
|
|
|
|
|
Allattoqarfik katill. |
7.930.029 |
8.205 |
7.930 |
8.095 |
7.815 |
8.095 |
|
|
|
|
|
|
|
|
|
Sulisunut inissiat |
|
|
|
|
|
|
|
Aningaasartuutit |
518.768 |
325 |
315 |
330 |
330 |
330 |
|
Attart. Isertitat |
-1.053.487 |
-950 |
-950 |
-950 |
-950 |
-950 |
|
Sulisunut inissiat katill. |
-534.719 |
-625 |
-635 |
-620 |
-620 |
-620 |
|
|
|
|
|
|
|
|
|
Allaffiup illutaa |
|
|
|
|
|
|
|
Aningaasartuutit |
419.301 |
435 |
800 |
500 |
500 |
500 |
|
Attart. Isertitat |
-441.500 |
-430 |
-430 |
-430 |
-430 |
-430 |
|
Allaffiup illutaa katill. |
-22.199 |
5 |
370 |
70 |
70 |
70 |
|
|
|
|
|
|
|
|
|
Ingerlats. erniat sioqq. |
9.848.059 |
10.425 |
10.180 |
10.060 |
9.950 |
10.060 |
|
|
|
|
|
|
|
|
|
Erniat, ilanngariikkat |
-209.504 |
-165 |
-20 |
-20 |
-20 |
-20 |
|
|
|
|
|
|
|
|
|
Ingerl. aningaas. katill. |
9.638.555 |
10.260 |
10.160 |
10.040 |
9.930 |
10.040 |
|
|
|
|
|
|
|
|
|
Ingerlataviit inernerat |
47.556 |
395 |
0 |
-120 |
-230 |
-120 |
|
Aningaas.imm.ittut |
143.298 |
|
|
|
|
|
|
Ukiumut angusaasut |
190.854 |
395 |
0 |
-120 |
-230 |
-120 |
