|
Saqqummiussaq
Ukiup Kommunea Soorlu ilisimaneqareersutut ukioq manna Ukiup Kommuneani 2002-mi toqqaaniarnermi qulequtaritinneqarpoq ”Kommunit avatangiisinut kommunillu illuutaasa aserfallatsaalinikkut immikkut ittumik iliuuseqarniarsimasoq” kingusinnerusukkullu avatangiisinut tunngatillugu erseqqissarneqarsimalluni: ”kommuni illoqarfiup iluani saligaatsuutitsinissamut innuttaasunik peqataatitsilersimasoq”. Ukioq kingulleq ukiup kommunianik toqqaanissaq ukioq mannamut kinguartinneqarpoq, qulequtaq taannaaginnartillugu, siulersuisullu neriuutigisimavaat ukiumi tulliuttumi suliassaqarfik taanna kommuunit immikkut suliniuteqarfigiumaaraat.
Kommunit 18-nit akornanni, ukioq manna piffissarititaasup
iluani, kommunit marluk qinnuteqarsimapput Ukiup Kommuniattut
toqqarneqaqqullutik, taakkulu toqqammavigalugit Kattuffik
isumaqarpoq ukiup kommunianik toqqaanissamut pissutissaqanngitsoq.
Ukioq manna, siornalumi, kommunit soqutiginninnginnerat pissutigalugu, siulersuisut siunnersuutigaat, ukioq manna Ataatsimeersuartut isummertariaqartut, malittarisassat malillugit Ukiup Kommunianik toqqaasarneq ingerlatiinnarneqassanersoq. |
