Kanukokap siulersuisuinut ilaasortartaaq

Narsami kommunalbestyrelsimut ilaasortap Kalistat Lundip Kalaallit Nunaanni kommuneqarfiit kattuffiata KANUKOKA-p siulersuisuinut ilaasortaanerminit tunuarnissani kissaatigisimavaa. Taamalu taassuma sinniisussaa, Nuummi borgmesteri Agnethe Davidsen, kattuffimmut aallartitat Ilulissani ataatsimiinneranni qaangiuteqqammersumi siulersuisunut ilaasortanngorpoq.

Agnethe Davidsenip sinniisussaatut toqqarneqarpoq Narsami borgmesteri Jørgen Lund.

KANUKOKA-mi siulersuisut katitigaanerat taava imaalerpoq:

Siulittaasoq Jens Lars Fleischer, Siumut (sinniisussaa Kristian Lennert)
Enok Sandgreen, Inuit Ataqatigiit (sinniisussaa Ane Hansen)
Jens Inûsugtoq, Atassut (sinniisussaa Siverth K. Heilmann)
Agnethe Davidsen, Siumut (sinniisussaa Jørgen Lund)
Jens Napãtôq, Siumut (sinniisussaa Jens Lyberth)