|
Ittoqqortoormiit Kommuniata kaammattuutigaa kommuneqarfiup iluani aalisarnikkut periarfissat sunillu aalisagaqarnerata misissorneqarnissaa taassumalu naalakkersuisunut saaffiginnissutigineqarnissaa kissaatigalugu. Kattuffiup kommunit inuussutissarsiorneq eqqarsaatigalugu ineriartorfiunissaat tapersersorluinnarpaa inuutissarsiutitigullu ineriartortitsinermi suliniutaannut tapersersuillunilu ikorfartueqataaarusuppoq. Taammattumik Kattuffiup kommunimut siunnersuutigerusuppaa qulaani pineqartoq pillugu Kattuffiup ataani suleqatigiissitamut tassalu kommunini inuutissarsiutinik siuarsaanissaq pi-llugu suleqatigiissitamut innersuuteqqullugu. Suleqatigiissitammi siunertaraa kommunit inuutissarsiutinik siuarsaaniarneranni peqataassallutik taamaattumillu Kattuffik isumaqarpoq KANUKOKA-imi siulersuisut suleqatigiissitamut innersuutissagaat taakkualu kommunip kissaataa tunngavigalugu Naalakkersuisunut saaffiginnissutigiumaaraat. Inassuteqaat Kattuffiup siulersuisuisa Ittoqqortoormiit Kommuniata siunnersuutaa aallartitanut ammasumik oqaluusereqquaa. Oqaluuserineqareerpallu KANUKOKA-p ataani inuussutissarsiornermut suleqatigiissitaamut pisariaqarpallu tassanngaaniit Inuutissarsiornermut Naalakkersuisumut apuunneqassasoq. |
