Siulersuisut nalunaarutaanni maluginiarparput, immikkut taaneqartoq, ukiumi qaangiuttumi innarluutilinnut sullissineq ajorseriarsimasoq. Nal. akunnerinik ikiorsiissutinik tunniussisarneq anikkillisinneqarmat kommuunit aningaasartuuteqarnerat annertusivoq. Tamanna aamma malitseqartoq kommuunit arlallit suliassat tamakkununnga tunngasut isumaginninnermi naammagittaalliortarfimmut naammagittaalliuutigigaat, tamannalu kinguneqanngimmat, massakkut killiffimmi, kommuunit 11-it kissaatigisimavaat KANUKOKA-p sinnerlutik suliassaq eqqartuussisunut suliassiissutigissagaa. Tamanna killiffik eqimattamit naammagisimaarparput, isumaqarpugullu tamanna pisariaqarsimasoq.
Eqimattamilli kaammattuutigissavarput innarluutilinnut sullissinermi aningaasanut tunngasut allaffissornikkut pissuteqartumik ilaatigut kingusissukkut tunniunneqartarneri imaluunniit ilaannakorlugit tunniunneqartarneri iliuuseqarfigisassatut innersuukkumagatsigu.
