Oqaluuserisasatut siunnersuutit annertunerusumik oqaaseqarfiginagit, imarisamikkut ilaatigut aaqqissuusaanermut tunngatillugu sulianut ilaatigut ilaareerlutik innuttaasunut oqaluuseritinneqalereermata, tulliuttuni annertunerusumik siunissami alaatsinaatassatut ilimagisariakkatta ilaanik oqaluuserisimasavut saqqummiutissavagut.

Aaqqissuusseqqinnermi suliassatigut siammasissumik aaqqissuusinissaq salliutinneqassaaq, ilisimallugu ilaatigut eqiterussinermik kinguneqartussanik ilaqartussat.

Soqutigalugu naalakersuisunut ilaasortat saqqummiussaat oqaluuserisimavagut. Aaqiissuusseqqinnnissamilu suliassanik akisussaaffinillu agguaasinissanut atasunik piffissalersuilernissaq tulliummat erseqqissaassutigineqassasoq kissaatigissavarput.

Ilinniagaqarsimallutik sulisinnaasut tunngaviusumik annertuumik aaqqissuusiffiginissaannut Aningaasanut Nunanullu allanut Naalakkersuisup saqqummiussinerani anguniagassatut siunnissat tamakkiisumik tapersersorparput.

2008-mi qinersereernissamut atatillugu "kinguaariit" nikinnissaannut piareersimanissaq anguniagaasimappat soormi kommuunit aaqqissuussaanerat akisussaaffiillu agguanneqarnissaannut annertuumik paasititsiniaaneq ingerlallugu qinigaaffik tamakkerlugu? Maannamummi nunap immikkoortuini assigiingitsuni piareersarnerit soorlu "KUJATAAMIUT" uagut gruppitsinni tamanna qinersinerup kingorna ulluinnarni suliassatsitut tigusimagivut.