Kujataani kommuniulersussami Ikaarsaariarnermi ataatsimiititaliap siunnersuutaa siulittaasumit Simon Simonsenimit nassiunneqartoq ulloq 23. juuni 2008:
”Ukiuni kingulliunerusuni ataatsimiinnerni assigiinngitsuni – aamma siorna Kanukoka ataatsimeersuarmat – eqqartorneqartarpoq siunissami kommunerujussuit atuuffiini Kanukoka qanoq aaqqissugaassanersoq.
Tamanna aamma Ikaarsaariarnermi ataatsimiititaliap – Kommune Kujalleq – piffissami qaangiuttumi ataatsimiittarnermini eqqartortarpaa.
Kanukokap aaqqissugaaneranut tunngatillugu Kommune Kujalleq isumaqarpoq siunissami aamma Kanukoka ingerlaannartariaqartoq, ukiullu tamaasa aallartitat ataatsimiisinneqartariaqartassasut.
Siulersuisoqarnermut tunngatillugu oqaatigerusunneqarpoq ullumikkutut Kanukoka tallimanik siulersuisoqassasoq, taakkuli saniatigut siunnersuutigineqarluni ukiortaamiit borgmesterinngortussat sisamat siulersuisuni malinnaasitaallutik oqaaseqarsinnaatitaallutik taaseqataasinnaanatilli malinnaasuussasut.
Matumunnga ilanngullugu Kommune Kujalleq isumaqarpoq Namminersornerullutik Oqartussat aasaq manna tusarniutinik taassaanngitsunik ileqqorluttumik akuersaarneqarsinnaanngitsumillu piffissalersuillutik ukiup qanoq ilinera apeqqutaatinnagu nassiussuisimammata, siunissami Kanukoka pisinnaatittariaqartoq tusarniutit akinissaannut minnerpaamik qaammammik ataatsimik sivisussuseqanngitsut ingerlaannartumik utertittassagai, piffissarmi sivikeqisoq atorlugu tusarniutit iternga tikillugu piareersarneqarsinnaasanngimmata.”
Qeqqani kommuniulersussami Ikaarsaariarnermi ataatsimiititaliap siulittaasuanit Hermann Berthelsenimit allagaq 23. juuni 2008-meersoq:
”Matumuuna Ikaarsaariarnermi ataatsimiititaliani siulittaasut isumasioreerlugit ataani allassimasut ataatsimeersuarnissami oqallisissatut ingerlatippakka:
1: Borgmesterit sisamaasut Kanukoka-mi siulersuisunut ilaatinneqalissasut
Taamatut isumaqarnitsinni patsisigaarput isumaqaratta ulluinnarni kommunit ingerlanneqarneranni ilisimasaqarluartut malinnaalluartullu Kanukoka-mi aqutseqataalernermikkut Kanukoka nukinnik annertuunik tunissagaat. Taamaaliorneq kommunit Namminersornerullutik Oqartussanut politikkikkut sakkortunerusumik illua’tungiliilernerannik kinguneqassaaq.
Siulersuisuni partiit oqimaaqatigiinnissaat anguniarlugu ilaasortat amerlassusissaat aalajangerneqarsinnaavoq.
2: Kanukoka-mi siulittaasoqarneq
Isumaqarpugut allaffissornikkut oqilisaaneq sipaaruteqarnissarlu kommunerujussuit pilersinneqarnerinut siunertanut ilaasut. Taamaammallu eqqarsaatigineqartariaqarpoq 1. januaari 2009 kommunerujussuit pilersinnerisigut pissusissamisoornersoq Kanukoka-mi ulloq naallugu siulittaasoqarnissaq.
Isumaqarpugut tamanna pisariaarutissasoq taamaattumillu ulloq naallugu siulittaasoqarneq atorunnaassasoq siunnersuutigaarput. Siulittaasoq soorlu Danmarkimisuulli ulluinnarni suliffimmi avataatigut siulittaasutut ingerlasinnaavoq.
Taamaaliorutta aamma pisariaarutissaaq siulittaasup Nuummi najugaqarnissaa.
Siunertat qulaani taaneqartut kingunerissavaat kommunit kattuffimminnut akiliuteqartarnerisa malunnaatilimmik appariarnissaat. Aningaasammi allarpassuarnut atorfissaqartereerpavut.”
KANUKOKA-p siulersuisuisa ataatsimiinnerannut 11. aggusti 2008-mi pisumut kattuffiup allattoqarfiata paasissutissiissutai:
Siulersuisut akissaataannik sanilliussineq
Kanukoka KL[1] Namm. Oqart.
suliffiutaat[2]
Ilaasortat: Ilaasortat: Ilaasortat:
144.000 kr. 51.103 kr. 35.000 kr.
Siulittaasoq: Siulittaasoq: Siulittaasoq:
575.000 kr. 408.825 kr. 70.000 kr.
Siulersuisut periarfissani assigiinngitsuni
qanoq akissaateqartinneqarsinnaanerat
Maannakkut siulersuisut 5-inik
ilaasortallit siulittaasoq piffissaq tamaat
atorfeqartutut sulisoq ilanngullugu
Siulittaasoq 575.000
Siulersuisunut ilaasortat 576.000
1.151.000
Siulersuisut 9-nik ilaasortallit siulittaasoq
piffissaq tamaat atorfeqartutut sulisoq
ilanngullugu
Siulittaasoq 575.000
Siulersuisunut ilaasortat 1.152.000
1.727.000
Aningaasartuutit amerlissutaat 576.000
Siulersuisut 9-nik ilaasortallit siulittaasoq
piffissap affaani atorfeqartutut sulisoq
ilanngullugu
Siulittaasoq 287.500
Siulersuisunut ilaasortat 1.152.000
1.439.500
Aningaasartuutit amerlissutaat 288.500
Siulersuisut 9-nik ilaasortallit siulittaasoq
piffissap pingajorarterutaani atorfeqartutut
sulisoq ilanngullugu
Siulittaasoq 191.666
Siulersuisunut ilaasortat 1.152.000
1.343.666
Aningaasartuutit amerlissutaat 192.666
Siulersuisut 9-nik ilaasortallit (200.000/100.000) siulittaasoq piffissap ilaannaani atorfeqartutut sulisoq ilanngullugu
Siulittaasoq 200.000
Siulersuisunut ilaasortat 800.000
1.000.000
Sipaarutissat 151.000
Siulersuisut 5-inik ilaasortallit + ataatsimeeqataasartut 4 (akissarsiaqaratik), siulittaasoq piffissap affaani atorfeqartutut sulisoq ilanngullugu
Siulittaasoq 287.500
Siulersuisunut ilaasortat 576.000
863.500
Sipaarutissat 288.000
Siulersuisut 9-nik ilaasortallit siulittaasoq ilanngullugu, selskabini pisortanit pigineqartuni akissaateqartitsinermut malittarisassat naapertorlugit
Siulittaasoq 70.000
Siulersuisunut ilaasortat 280.000
350.000
Sipaarutissat 801.000
Siulersuisut 5-inik ilaasortallit + ataatsimeeqataasartut 4 (akissarsiaqaratik), siulittaasoq ilanngullugu
Siulittaasoq 70.000
Siulersuisunut ilaasortat 140.000
210.000
Sipaarutissat 941.000
[1] Danmarkimi kommunit kattuffiat Kommunernes Landsforening.
[2] Selskabit 400 mio kr. inorlugit kaaviiaartitallit siulersuisuinut ilaasortaatitat akissaataat.
