Siulersuisut nalunaarutaannit tigulaarineq:
Kiffartuussinernik assigiissaarineq
Akileraarutit assigiilerneri, meeqqerivinnut akit assigiilerneri, utoqqalinersiat assigiilerneri, utoqqarnut ikiorteqarnerup assigiinnerusumik aaqqiivigineqarnera - tamakkuupput kommunit kattunneranni siunertat innuttaasunut erseqqarinnerit ilaata, kiffartuussinermik assigiissaarinissap, anguneqarneranut takussutissaatinneqartut pingaarnerit.
Tamakku kattunnerup kingorna ukiumi siullermi malugineqareerput. Inoqarfinnili taama imminut ungasitsigisuni inuuniarnikkullu taama assigiinngitsigisunik aallaaveqartuni sutigut tamatigut assigiissaarinissaq angujuminaappoq. Piviusut takorluukkanit allaanerusinnaasarput. Soorlu eqqaaveqarnermut aaqqissuussinerit akiliutillu assigiissaruminaapput tunngavissat pissutsillu taama assigiinngitsigitillugit. Aammami assigiissaarineq suli naammassinngitsoq kommuninit erseqqissarneqarpoq.
Assigiissaarinissaq kommunit kattunneranni aaqqissuussaanermillu iluarsaaqqinniarnermi innuttaasunut kajumissaataasimavoq pingaartoq, kivitseqatigiinnissamik isummamut atalluinnartoq.
Assigiissaarinerli immini akeqarpoq - tassa innuttaasut ilarpassuisa kiffartuunneqarnerannik ajornerusimasumik ajunnginnerulersitsigami. Tamanna aamma qitiusumik oqartussaasut nuannaarutigisariaqarpaat kommuninullu tapersersuinissaminnut kajumississutigisariaqarlugu.
Siulersuisut nalunaarutaat tamakkerlugu atuarniarukku quppernerup matuma qulaani talerpia'tungaani aasinnaavat
