|
Qaqortoq 10. septembari 2003
Kommunit Namminersornerullutik Oqartussallu aaqqissuusaanerannik nalilersueqqittussamik ataatsimiititaliamik pilersitsinissamik kissaateqarneq Asasara Hans Enoksen Siullermik ajuusaarutigaarput borgmesterit kommunaldirektørillu ataatsimiinnerannut ilaasinnaa-junnaaravit. Qilanaarisimagaluarparput naalakkersuisut suliassamut qanoq takorluuinerannik saq-qummiussinissat tusassallugu, agginngitsoorninnulli pissutigisatit paasilluarneqarput. Pilersaarut mallillugu borgmesterit tulleriiaarlutik saqqummiussipput namminneq kommuneqarfim-minninngaanniit isigalugu kommunit aaqqissuussaanerisa nalilersoqqinnissaanik pilersaaruteqar-nermut isummaminnik. Tassani paasivarput isummat assigiinngeqisut. Ataasiakkaat kommunit kat-tunneqarsinnaanissaannut isumaqataanngillat allaffeqarfikkulli suleqatigiissinnaanernut akuersaar-lutik. Ilaatigut kommunit kattussinnaanissaat aqqutissiuuteqquneqarpoq. Amerlanerilli tungaaniit erseqqissarneqarpoq pinngitsaaliissummik kommunit kattutsinniarneqarsinnaanissaat akuersaarne-qanngitsoq. Ataatsimiittulli tamarmik isumaqatigiissutigaat suleqatigiinnissamut oqallinnerit naam-malermata piviusunngortitsinissamut sinaakkutassat, tassalu inatsitigut allannguutissat piaartumik naalakkersuisuniit suliarineqarnissaat kissaatigineqassasoq. Taamaaliornikkut ullumikkut suleqati-giinnerunissaminnut piareeqqasut piviusunngortitsisinnaaqqullugit. Siunissarli ungasinnerusoq eqqarsaatigalugu piareersarluakkamik kommunit Namminersornerul-lutik Oqartussallu aaqqissuussaanerata nalilersoqqinnissaanik suliaqartussamik ataatsimiititaliamik maannangaaq pilersitsisoqarnissaa kissaatigineqarpoq. Ataatsimiititaliassap suliassaatut eqqarsaatigineqarpoq pisortatigoortumik innuttaasunik sullissinerup qaqugukkut kommuniniit qaqugukkullu Namminersornerullutik Oqartussaniit ingerlanneqartarnissaa. Suliassat ingerlanneqarneranni allaffissornerujussuup annikillisarneqarnissaa anguniagassanut ilaammat kissaatigaarput qarasaasiatigut atortoqarnerup ullutsinnut naleqquttumik suleqatigiiffiulernissaa ilanngullugu sammineqassasoq. Naalakkersuisunik pilersitsisoqareeriarpat suliassaq pillugu oqaloqatigiinnissamut Kanukokamiit piareersimavugut.
Ataatsimiittut sinnerlugit |
