Kommunini suliassaqarfiit
Kommunit pillugit
KANUKOKA-mit
Pikkorissarnerit ataatsimiinnerillu
17.07.2012 Forvaltningsret 10.10.2012 Ingerlatsinermut inatsisit Kvalitet i sagsbehandling Lederkursus for skoleledere Personlig udvikling

Piujuartitsinissaq tunngavigalugu pisuussutinik atuineq

Paasisitsiniaanermik aqutsisup Tine Pars-ip (Tusagassiivik) saqqummiussaa.

Apriilimi 2002-mi naalakkersuisut aalajangerput pisuussutinik uumassusilinnik iluaqutiginninnermi piujuaannartitsinissaq pillugu paasisitsiniaasoqalissasoq. Paasisitsiniaaneq tamanna aallartippoq uku pissutigalugit:

  • Piniakkat ilaasa ikiliartornerat paasineqarsimavoq.

  • Pinngortitamik uumasuinillu qanoq atuinerput takornarianit maluginiarneqarnerulersimavoq.

  • Piujuaannartitsinissaq eqqarsaatigalugu pisussutinik atuisarnissaq nunani tamalaani eqqumaffigineqarnerulersimavoq.

    Pisuussutit uumassusillit qanoq iluaqutiginiarneqarnerat pillugu assortuuttarnerit aallaavigalugit paasisitsiniaasoqalerpoq, paasisitsiniaanermilu siunertaavoq inuit pisuussutinik atueqataasut inuillu pisuussutinik illersueqataasut oqaloqatigiissinnaalernissaat aammalu nunami tamarmi innuttaasut peqataaffigisaannik oqallittoqalerlunilu aaqqiissutissanik nassaarniartoqalernissaa.

    Ukiuni marlunni paasisitsiniaaffiusussani illoqarfinni tamani ataatsimiisitsisoqartassaaq innuttaasut tamalaat aggersarneqarfigisaannik. Radiukkut TV-kkullu oqallitsitsisoqartassaaq aammalu naqitigaaqqat plakatillu paasisitsiniaanermi oqallissaarinermilu atortut sinerissamut siaruarneqassapput – pingaaruteqarpormi piniartuinnaanngitsut biologiinnaanngitsullu, kisiannili innuttaasut kikkulluunniit, oqalliseqataanissaat ajornartorsiutit qanoq aaqqinneqassanerannik.

    Naalakkersuisut aamma aalajangerput pisuussutit uumassusillit piujuartitsinissaq tunngavigalugu iluaqutiginiarneqarnissaat pillugu nalunaarusiortoqarlunilu iliuusissanik pilersaarusiortoqassasoq. Nalunaarusiami piniarnerup innuttaaqatigiit inuunerannut aningaasarsiornerannullu pingaarutai nassuiarneqassapput kiisalu innuttaasut ilaannut piniagassanik killilersuinermi eqqugaasunut periarfissanik allanik tikkuussisoqarniassalluni. Iliuusissanik pilersaarut taanna suliarineqassaaq ataatsimiititaliamit attuumassuteqartut tamarmik sinniisuuffigisaannit.

    Kommunit tamatuma tungaatigut misilittagarpassuaqarput, taamaattumillu suliniuteqarnermi akuutinneqarnissaat pissusissamisoorlunilu pingaaruteqarpoq. Kommunit naapeqatiginissaat qilanaarutigaarput suleqatigilluarnissarpullu neriuutigalugu.

    •