|
Siunertaa:
Ukioq manna Namminersornerulluni oqartussaanerup ukiunik 25-liinerata nalliuttorsiutigineqarneranut atasumik KANUKOKA tunissutitut Meeqqanut inuusuttunullu iluaqutaasussamik Aningaasaateqarfimmik pilersitserusulluni eqqarsaateqarpoq. Aningaasaateqarfimmik pilersitsiniarnermi takorloorneqarpoq Aningaasaateqarfik siunertanut aalajangersimareersunut aningaasaliinissaminut qilersorsimassanngitsoq, makkununngali aningaasaliinissaminut periarfissiissasoq:
Aningaasaateqarfiit pioreersut: Namminersornerullutik Oqartussat quppersagaanni meeqqanut inuusuttunullu tunngasuni Aningaasaateqarfiit siunertanut aalajangersimasunut, soorlu kultur-imut, pitsaaliuinermut, peqqinnissamut allanullu siunertanut qinnuteqarfiusinnaasunik peqareerpoq, soorluttaaq Danmark-imi qinnuteqarfiusinnaasunik peqartoq. Kommunit: Kommunit pitsaaliuinermik siunertanut aningaasanik immikkoortitsisarput, soorlu meeqqat inuusuttullu immikkut pisariaqartitsisut tammaarsimaartinneqarnissaannut allanullu suliniutinut atugassanik. Suliffeqarfiit aningaasaleeqataasinnaasut: Kommunit saniatigut suliffeqarfiit assigiinngitsut meeqqat inuusuttullu atugarisaannik pitsanngorsaaqataarusuttut siuarsaanissamullu peqataarusuttut aningaasaleeqataanissaannut ilaserineqarsinnaapput, taamaaliornermikkut ilaatigut suliffeqarfigisamik pitsaasumik tusaamaneqarnissaa angusinnaallugu. Aningaasaateqarfiup atissaa: Aningaasaateqarfiup aqqata oqariartuutigissavaa siumut isigisumik meeqqanut inuusuttunullu namminneq iliuuseqarusuttunut piviusunngortitsinissamut periarfissaasoq. Suliffeqarfiit aningaasaleeqataarusuttut Aningaasaateqarfiup qanoq atsernissaanut siunnersuuteqartinneqarsinnaapput. |
