|
Ulloq 1: Sisamanngorneq 13. oktobari (saqqummersitsineq) Inuussutissarsiornikkut saqqummersitsineq Danfish ammarneqassaaq Aalborg Kultur- og Kongrescenter-imi, tassani kommunit 17-it ataatsimoorlutik saqqummersitsiveqassallutik. Sisimiut Kommuniat siornatigut tassani peqataareersimagami nammineq immikkut saqqummersitsiveqaannarniarpoq. Saqqummersitsineq ulluni pingasuni ingerlanneqassaaq, assigiinngitsunik iliuuseqartoqartassalluni qulequtaq pingaarneq una aallaavigalugu: Aaqqissuussaanermik iluarsaaqqinnermi ineriartorneq inuussutissarsiornerlu - takorluukkat qanoq piviusunngortissavavut. 13.30 – 17.00 Aalborgimi inuussutissarsiorneq pillugu Siunnersuisoqatigiit Saqqummersitsivimmiit busserluta aallassaagut nal. 13.30. Ålborg Erhvervsrådip ataatsimeeqatigineqarnera pissaaq Danmarkimi illut inuussutissarsiutinik aallartisaasarfiit nutaarpassuit ilaanni. Inuussutissarsiornermut pisortaq Søren Westergaard aamma siunnersorti Karl Otto Nicolaisen saqqummiissapput. Qulequtaassaaq: Takorluuinermiit aallartisaanermut 18.30 - Aalborgip Kommuniani ilasseqatigiinneq Park Hotelimiit nal. 18.30 Nordjyllands Kunstmuseum-imukassaagut, tassani Aalborgip Kommunia tikilluaqqussutaasumik ilasseqatigiissitsissammat. Borgmester Henning G. Jensen tikilluaqqusissaaq nal. 19.00. Peqataasut tamarmik tikilluaqqusaapput.
Ulloq 2: Tallimanngorneq 14. oktobari 10.00 – 11.30 Kalaallit Nunaanni inuussutissarsiornikkut ineriartorneq – susoqarpa? Suliniutit aalajangersimasut pillugit saqqummiussineq nunatsinni inuussutissarsiornermut pisortanit. Qanoq ilinniarfigeqatigiissinnaavugut? Siunissami najukkani inuussutissarsiornikkut suliniutit qanoq aaqqissuunneqassasut. Najukkani inuussutissarsiornikkut suliniutinut ataatsimoorluni aningaasaliissutissaqalernissaq. Aaqqissuussineq pissaaq saqqummersitsiviup pikkorissartarfiani. 12.30 – 17.00 Aalborgip umiarsualivianut takusaaneq tassanilu ullup-qeqqasiorneq Park Hotelimiit nal. 12.30 busserluta Aalborgip umiarsualivianukassaagut, tassani markedschef Karl J. Klitgaard peqataasunut tamanut ullup-qeqqasiortitsissammat umiarsualivimmullu takusaasitsilluni. Park Hotelimut utissaagut nal. 17.00. 18.30 - Nammineq neriffissarsiorneq UNNUK TAANNA AALBORGIMI KULTURISIORFIUVOQ
Ulloq 3: Arfininngorneq 15. oktobari 11.00 – 16.15 Kalaallit Nunaat sommerhuseqarfinngorsinnaava? Saqqummersitsivimmiit nal. 11.00 busserluta aallassaagut. Peqataasut tamarmik tikilluaqqusaapput. Blokhusiliassaagut, tassani nal. 12.00-14.00 Restaurant Nordstjernen-imi naapeqatigissallutigu Sol og Strandip pisortaa Kaj Frederiksen. Tamusseqatigeereerutta Kaj oqallissaaruteqassaaq Kalaallit Nunaata siunissami illunik aasarsiortarfinnik takornarianut attartortitsisarfinngorsinnaanera pillugu. Tamatumani atortussatigut suut piumasaqaataassappat? Qanoq annertutigisumik ingerlatsisoqartariaqassava? Kikkut sullinniarneqassappat? Blokhus Jyllandip avannaani isorliunerusunut inuussutissarsiornikkut unittooqqaffiusimagaluarlutik sommerhuseqarfinngornermikkut ineriartorfiulersimasunut ilaavoq. Nal. 14.00-15.30 Kaj Blokhusimi sommerhuseqarfiit ilaannut alakkaasitsissaaq. Sommerhusit nutaat Sol og Strandip attartortittagaasa ilaat takusarneqarsinnaassaaq. Blokhusimiit utimut aallassaagut nal. 15.30. Qulequtaassaaq: Takornariartitsineq - takorluuinermiit inuussutissarsiorfissuarmut 18.30 - Nammineq neriffissarsiorneq
Ulloq 4: Sapaat 16. oktobari Borgmesterit kommunaldirektørillu ataatsimiinnerat aallartissaaq Park Hotel-imi, John F. Kennedys Plads 41, Aalborg. Ulluni marlunni ataatsimiissapput, peqataasut qaaqqusallu tamarmik hotelimi tassani ullup-qeqqasiortassallutik. Inuussutissarsiornermut pisortat, ataatsimiititalianut ilaasortat il.il. sapaammi peqataassanngillat, ataasinngornermili 17. oktobari ulloq tamaat peqataanissaminnut naggataarutaasumillu nereqatigiinnissamut tikilluaqqusaallutik. Borgmesterit kommunaldirektørillu ataatsimiinnissaanni qulequtaq pingaarneq: Aaqqissuussaanermik iluarsaaqqinneq: Susoqarniarpa? Suliaq qanoq ingerlatissavarput? Takorluukkat suut sulissutigissavavut? 9.00 – 9.30 Tikilluaqqusineq aaqqissuussaanermillu iluarsaaqqinniarneq KANUKOKA-p siulittaasua Lars Karl Jensen tikilluaqqusissaaq siulittaasutullu nalunaaruteqassalluni. 9.30 – 10.00 Ataatsimoortumik tapiissutissat pillugit ukioq manna isumaqatigiinniarnerit aammalu ilinniartitaanermik suliffissaqartitsinermillu iluarsaaqqinnissamut akilersueqataanissaq. Sisimiut Kommuniata tamatuma oqaluuserineqarnissaa kissaatigisimavaa. 10.00 – 10.30 Aaqqissuussaanermut Isumalioqatigiissitat isumaliutissiissutaat Aaqqissuussaanermut Isumalioqatigiissitat isumaliutissiissumminnik saqqummiussissapput.
10.30 – 11.00 Kaffisoqatigiinneq
11.00 – 12.00 Eqimattakkuutaarneq – aalajangersimasunik oqaluuserisaqarluni
Qulequttat: 12.00 – 13.00 Ullup-qeqqasiorneq 13.00 – 14.00 Tamanut saqqummiussineq oqallinnerlu Eqimattakkuutaarnerni tallimani isummiussat tamanut saqqummiunneqarnerat. 14.00 – 15.00 Bornholmimiut kattunnertik qanoq suliaraat ullumikkullu kommunikulooq qanoq ingerlava? Bornholmip regionsborgmesteria Thomas Thors saqqummiussissaaq. 15.00 – 15.30 Kaffisoqatigiinneq 15.30 – 16.30 Aalborg Kommune – kommunerujussuaq suli annerulersoq Kommunaldirektør Jens Kristian Muk aamma vicekommunaldirektør Jørgen Litske Pedersen nassuiaateqarput sooq Aalborg Kommune kommunerujussooreerluni suli alleqqinnissaminik aalajangersimanersoq. Danmarkimiit isigalugu qanoq pingaaruteqarpa? Europamiit isigalugu qanoq pingaaruteqarpa? Kattussuinermi "angajutut" inissisimanini qanoq atorsimavaa, ingerlaqqinnissamullu suut pilersaarutaappat? 16.30 – 18.00 Aaqqissuussaanermik iluarsaaqqinnissaq pillugu oqallinneq nangillugu Ataatsimoorluni oqallinneq.
Ulloq 5: Ataasinngorneq 17. oktobari 9.00 – 10.00 Danmarkip avannaani EU-p allaffia Siunnersorti Lars Jensen makku pillugit saqqummiussissaaq: Danmarkip avannaani EU-p allaffia Kalaallit Nunaata sumut atorsinnaavaa? Suliniutinut sunut tapiiffigineqarnissaminnik Kalaallit Nunaanni kommunit qinnuteqarsinnaappat? Avammut tuniniaavissarsiornermi allaffik taanna atorneqarsinnaava? 10.00 – 10.30 Kaffisoqatigiinneq 10.30 – 12.00 Ilisimatusarfik inuussutissarsiornermi suleqataasutut Lise Mikkelsen Aalborg Universitetip atassuteqarfilersornermut immikkoortortaqarfiata sinniisaa nassuiaateqassaaq qanoq ililluni ilisimatusarfik taanna inuussutissarsiornermi pingaaruteqartumik suleqataalersinneqarsimanersoq. 12.00 – 13.00 Ullup-qeqqasiorneq 13.00 – 15.00 Ineriartortitsineq inuussutissarsiornerlu pillugit takorluukkat Oticon-imi pisortaasimasoq Lars Kolind nassuiaateqassaaq Danmarkimi ineriartortitsiviit minnerusut ilaat qanoq ililluni silarsuarmi suliffissuaqarnermut akuuleriartuaarsimanersoq. Larsip aammattaaq oqaaseqarfigissavaa ineriartortitsinermi inuussutissarsiornermilu takorluukkat suut isorliunerusuni sulissutiginerisigut iluaqutissarsiffigineqarsinnaanerat. 15.00 – 15.30 Kaffisoqatigiinneq 15.30 – 17.30 Siunissami teknologiikkut periarfissat Innovation Lab -imi pisortaq Preben Mejer nassuiaateqassaaq teknikkikkut ineriartornermi periarfissat siunissami "isorliunerusunut" qanoq sunniuteqarsinnaanerannik. 19.00 - Hotelimi naggataarutaasumik nereqatigiinneq peqataasunut tamanut Mittarfimmut aallariartorneq 18. oktobari
Bussi Comwell-imut Rebildimiittumut takkutissaaq nal. 5.15 Aalborgiliarlunilu aallassalluni nal. 5.25 |
