Kommunit aningaasaqarnerat pillugu suleqatigiissitaliap saqqummiussaasa oqallisigineqarneranni isummiussanik eqikkaaneq:
Kommunini qullersaasut Qaqortumi isumasioqatigiinneranni 24. maaji 2011-mi aallartittumi borgmesterit sisamaasut KANUKOKA-llu siulersuisuisa aningaasatigut missingersuusiortarnermi suleqatigiinnissaq pillugu Namminersornerullutik Oqartussanik isumaqatigiissutigisimasaata 2003-meersup *) nutartertariaqarnera oqaloqatigiissutigaat.
Isumaqatigiissut nutartertariaqalersimavoq pisortat suliassaqarfiisa aaqqissuussaanerannik iluarsaaqqinnerup kingunerisaanik suliassaqarfinnik kommuninut nuussinissap tamanna pisariaqartilermagu. Taamaattumik iluarsaaqqinnerup tunngavia, tassa pisortat isumagisassaasa sapinngisamik innuttaasunut qanittumik suliarineqartarnissaat, aallaavigalugu kommunit Namminersorlutik Oqartussat nammagassanik suliassanillu agguataarineq pillugu oqaloqatigeqqikkusuppaat.
Pisortat aningaasaqarnerat ukiuni aggersuni innuttaasut qanoq issusiisa allanngoriartornerannit sakkortuumik sunnerneqartussaavoq, taamaattumillu Kalaallit Nunaanni inuiaqatigiinnut pitsaanerpaasussaq anguniarlugu siunissaq ungasinnerusoq isigalugu suleqatigiilluinnarluni aaqqiissuteqarnissaq kommunit pisariaqartippaat. Innuttaasut utoqqartaqarneruleriartornerat, innuttaasut pisortanut akiitsorpassuaqarnerat aningaasarsiorfissanillu nutaanik pisariaqartitsineq taasassat ilaannaraat siunissaq isigalugu aaqqiiffiginiagassanik taaguiniaraanni. Taamatuttaaq pisortani allaffissornerup pisariillisarneqarnissaa sulissutigineqartuartariaqarpoq.
_______________________________
*) Kommuninut ataatsimoortumik tapiissutissat pillugit ukiumoortumik isumaqatigiinniartarnerit missingersuusiortarnermi suleqatigiinnissaq pillugu isumaqatigiissut taanna tunngavigalugu ingerlanneqartarput (ilanngussaq takuuk).
Naalakkersuisunut ilaasortap Anthon Frederiksenip sumiiffinni oqartussaaqataaneq pillugu oqaaseqaataa - una tooruk
OBS! Quppernerup matuma suliarineqarnera suli naammassinngilaq.
