E-forumimut qanoq isissaanga?

Kodemik isissutissannik pereeruit immikkoortumut matoqqasumut isersinnaanngussaatit. Immikkoortut matoqqasut parnaarsaatinik sungaartunik ilisarnaateqarput.

Tassani uku allassavatit:

E-mailadresse. Illit e-mailadressit www.kanukoka.gl-imi atuisutut adresseraat.

Kode isissutissaq. Nittartagalerisut isissutissannik nassissavaatsit kanukoka@kanukoka.gl-imut atit, atorfiit sumilu sulinerit nalunaarutigeriarukku. Isissutissaq pissarsiat atorlugu oqallittarfinnut ilannguffigisimasannut tamanut isersinnaavutit.

E-forum qanoq atugassaava?

E-forumimi allassinnaavutit e-forumimut tassunga ilaasut kisimik atuarsinnaasaannik. Allaqattaartut malinnaaffigiuarsinnaavatit allattoqarneri tamaasa e-mailimik pisartagaqarnikkut.

E-forumimut allakkat sammisanut assigiinngitsunut immikkoortitigaapput, sammisamilu ataatsimi allakkat arlalissuusinnaallutik.

Sammisat:

E-forumimi ataatsimi sammisat arlalissuusinnaapput, oqallinneq sammisanut assigiinngitsunut immikkoortiterneqarsinnaaqqullugu.

• Atuaruk: Sammisaq atuarsinnaavat qulequtaa toorlugu.
• Sammisamik pilersitsigit: "Sammisamik nutaamik pilersitsigit" tooruk. Qulequtsiigit allallutillu, taava "nassiuguk" tooruk.

Allagaq

E-forumimi sammisat allakkamik ataatsimik arlalinnilluunniit imaqarsinnaapput.

• Atuaruk: Allagaq atuassavat qulequtaa toorukku.
• Akiuk: Allagaq akiumagukku "Akiuk" tuussavat. Taamaalilluni sorpassuit sammisami ataatsimi oqallisigineqarsinnaapput. Allagaq siulleq qulequtsiissaaq - taassumunnga akissutit sammisamik atatitsissapput.
• Iserasuaatit: Allakkat tamarmik "iserasuaaserneqartarput", illit allakkanni tassunga innersuussillutit atorsinnaasannik. Iserasuaat linkiuvoq. "Iserasuaat" toorsinnaavat, allaaserisallu adressia qarasaasiappit adresselinjeaani saqqummissaaq (aamma "Iserasuaat" talerpillikkut tooriarlugu "Iserasuaat kopeeruk" toqqarsinnaavat qiortagaasivinnullu ilillugu.)

Periarfissat tamani atuuttut

• Filimik kakkiussigit: Allakkannut filimik kakkiussisinnaavutit. Quppernerup allaffigisappit ataani allassimasoqarpoq "Filimik kakkiussigit", toortagaqarlunilu "Misissuigit". "Misissuigit" toorukku filinik ilioraavitit ammassavatit, filimillu allariikkannik aallersinnaavutit. Kaammattuutigaarput filit nalinginnaasunik formatillit kakkiutissagitit (allakkat PDF imaluunniit DOC, kisitsivissiat XLS aamma assilissat JPG imaluunniit GIF).
  
  
• Filimik kakkiussamik ammaagit: Fili kakkiussaq ammassavat allakkap qulaani talerpiup-tungaani fili toorlugu.
  
  
• Isissutissat puigorsimagukku:
  
  Isissutissat puigorsimagukku apeqqutissaqaruilluunniit nittartagalerisut saaffigikkit: kanukoka@kanukoka.gl