Kommunit ilaasa ajornakusoorutigisarpaat piukkunnartunik atorfinitsitsisarneq, ataavartumik sulisoqarniartarneq eqqortumillu soraarsitsisarnissat.

 

Sulisussarsiortarnermi soraarsitsisarnernilu suliassat nalinginnaanerusut kommunit sulisoqarnermut immikkoortortaqarfiini isumagineqartarput, taamaattorli ulluinnarni pisortaasut pisortatut akisussaaffitsik ilisimasariaqarpaat, eqqortumillu sulisussarsiornerit soraarsitsisarnerillu inatsisit malillugit qanoq pineqartarnersut ilisimasariaqarlugit.

 

Pisortaasuttaaq ataavartumik sulisoqarniartarneq sulisunillu ineriartortitsinissaq kommunip sulisoqarnermut politikkia naapertorlugu akisussaaffigisarpaat, taakkununinngalu ilisimaarinnittariaqarlutik.

 

Pikkorissarnerup imai:

• Atorfiit imarisaasa allattorsimaffii, atorfinitsitsiniarlunilu allagarsiinerit
• Qinnuteqartunik naliliisussanik pilersitsineq, atorfinitsitsiniarnermi akulerussinnaatitaaneq, pineqaatissinneqarsimanermut uppernarsaatit.
• Atorfinitsitsilernermi oqaloqateqartarnerit
• Suliffik kajuminnartoq
• Pisinnatitaaffiit / sulisoqarnermut politikki
• Suleqatigiinnermi ataatsimiititaliaq (SU)
• Ataavartumik sulisoqarniarnermi politikkit (soorlu sulisunik oqaloqateqartarnerit, sulinngitsoortarnernut, atornerluinernut imigassartortarnernullu, utoqqalilersunut inuusuttunullu politikki, il.il)
• Sulisunik ilitsersuinerit oqaaqqissaarinerillu
• Pineqartup isumaanik tusarniaanerit
• Mianersoqqusinerit, soraarsitsinerit, suliunnaaqqusinerit, ingerlaannarlu suliunnaaqqusinerit

Saniatigut:

Sulisitsisut sulisartullu akissaatitigut isumaqatigiissutaanni allannguutit, assersuutigalugu meeqqerivinni sulisut PIP-p imal. SIK-p isumaqatigiissutaanni.

• Naartunermi, erninermi meeravissiartaarnernilu sulinngiffeqartarnerit ullormusiassallu
• Meeqqap ullormi siullermi napparsimanerani angerlarsimasinnaaneq
• Sulisitsisut sulisartullu akissaatitigut isumaqatigiinniarnissaannut pisortat sulisullu sunniuteqarsinnaanerat

Sivisussusia:                         Ullut marluk, imal. sivisunerusumik

Sumi:                                   Kommunerisami

Kikkut peqataasinnaapat:     Pisortat tullersortaallu, imal. aqutsisut allat

Oqaatsit:                              Kalaallisut qallunaatulluunniit

Pikkorissaasut:                     Susanne Mørch aamma Erna Thomsen

Peqataasinnaasut qassit:        Amerlanerpaamik 18-nit

Akia:                                    90.000 koruunit mappit pikkorissaassutit ilanngullugit.

Taakkua saniatigut kommunimit akilerneqassapput pikkorissaasut angalanerat ineqarnerat ullormusiassaallu.

Inimut pikkorissaavimmut aningaasartuutissat, pikkorissartut nerisaqarnissaat aningaasartutillu allat kommunimit akilerneqassapput.

 

Kommunit kissaatigisaat malillugit imarisaa allanngortissinnaavarput.

 

Paasiniaarusukkuit tlf. 32 21 00-imut sianersinnaavutit imal. e-mail-ikkut kanukoka@kanukoka.gl