Tusagassiorfinnut nalunaarutit

• IMAK-imik isumaqatigiissuteqarneq 21. apriili 2012: IMAK pisortallu sulisitsisut sivitsortumik isumaqatiginninniareersut maanna ilinniartitsisut akissarsiaat sulinerminnilu atugarisaat pillugit 1. april 2010-mit 31. marts 2014-ip tungaanut atuuttussamik isumaqatigiissuteqartoqarpoq.
• Meeqqat atuarfiata ataavartumik ingerlanissaa inuiaqatigiit susassaqarfigaat pingaaruteqarluinnartoq 29. marsi 2012: Kommunit Naalakkersuisunut isumaliutigeqquaat meeqqat atuarfianni atuartitsinerup ingerlaannarnissaa qanoq qulakkeerneqarsinnaanersoq.
• Kommunit nukittuneruppata Namm. Oqartussat nukittunerussapput 13. marsi 2012: Namminersorlutik Oqartussat Ilulissani "Kommunit pillugit ataatsimeersuartitsineranni" KANUKOKA-p siulittaasuata oqalugiaataa. Allakkiaq oqalugiaammi innersuussutigineqartoq quppernermi maani ilanngussaavoq.
• Kommunit atuarfeqarnermi iliuuserisaat 9.marsi 2012: Atuarfeqarnermut tunngatillugu kommunit ilatsiinnarsimanngillat, KANUKOKA-p siulittaasua oqarpoq.

• Eqqartuussisuuneq IMAK pillugu isumaqatigiissitsiniaqquaat 1. marsi 2012: Namminersorlutik Oqartussat kommunillu IMAK-imik isumaqatigiinngissuteqarnertik eqqartuussisuunermut iluarsiniaqquaat.
• Aatsitassarsiornermut suleqatigiissitat 23. februaari 2012: Tatiginassuseqartumik piginnaasanillu tunngaveqartumik nunatta imartaani oliasiornernut aammalu aatsitassarsiornermut peqataaneq tunngavissaqartinniarlugu kommunit KANUKOKA qiteralugu ataatsimoorussamik aatsitassarsiornermut tunngasumik suleqatigiissitamik pilersitsisimapput.
• Kiffartuussinermi iluaqutaallualerumaartoq 27. januaari 2012: "Sullissinermi atortorissaarut tulluartorujussuaq", KANUKOKA-p siulittaasuata Sullissivik.gl taama oqaatigaa nittartakkap saqqummiunneqarnerani.
• Sumiiffinni oqartussaaqataaneq ineriartorteqqinneqarli 4. januaari 2012: Ukiortaami oqaaseqaat. - Piffissanngorpoq sumiiffinni oqartussaaqataaneq oqallisigeqqissallugu, KANUKOKA-p siulittaasua nalunaarpoq.
• Toqqorsivik: Siornatigut tusagassiorfinnut nalunaarutit