|
Ulluni 1. – 3. novembari 2001 borgmesterit kommunaldirektørillu ataatsimiissapput Nuummi Hotel Hans Egedemi. Tamatumuuna sammineqartussat pingaarnersaraat inuussutissarsiornerup qanoq ingerlanera. Ataatsimiinneq tamanna tunngavigalugu suleqatigiissitanik pilersitsisoqassaaq inuussutissarsiorneq pillugu seminareqarnissamik 2002-mi pisussamik piareersaasussanik. Kattuffiit Namminersornerullutillu Oqartussat kommuneqarfiit kattuffiata allaffigereerpai ataatsimiinnermi peqataatitaqaqqullugit, inuussutissarsiornikkut periarfissat pillugit isumamminnik nassuiaateqarsinnaaniassammata. Qaaqquneqarput aalisarnermut piniarnermullu naalakkersuisoq, Royal Greenland A/S, Nuka A/S, isumaginninnermut suliffissaqartitsinermullu naalakkersuisoq, sulinermik inuussutissarsiuteqartut kattuffiat SIK, suliffiutillit peqatigiiffiat Grønlands Arbejsgiverforening (GA) kiisalu aalisartut piniartullu kattuffiat KNAPK. Una tooruk borgmesterit kommunaldirektørillu ataatsimiinnissaanni ullormut oqaluuserisassat takorusukkukkit. |
