|
Siulittaasoq Hans Enoksenip ullumi Kattuffiup siulersuisuisa ataatsimiinneranni siulittaasutut tunuarnini nalunaarutigaa. Siulersuisuni maannamut siulittaasup tullia siulleq borgmester Jens Lars Fleischer upernaaru aallartitat ataatsimiinnissaata tungaanut siulittaasuugallartunngorpoq. Jens Lars Fleischer siulittaasuugallarnermini Uummannami borgmesteritut ingerlaannassaaq suliassat ingerlasut apeqqutaatillugit pisariaqartutigut Nuummukartartussaalluni. Hans Enoksen-ip siulersuisuni sinniisussaa Jens Napatoq Kattuffiup siulersuisuini ilaasortanngorpoq. Siulittaasup tulliatut siullertut Kalistat Lund qinerneqarpoq aappaatullu Enok Sandgreen. Siulersuisut maannamut siulersuisut pingaartillugit aallunniarlugit aalajangiussaat, tassa inuussutissarsiorneq aammalu kommunit annerusumik suleqatigiinnissaat ingerlateqqissallugit aalajangiusimavaat.
|
