|
Kalaallit Nunaanni Kommuneqarfiit Kattuffianni siulittaasup Jens Lars Fleischerip naalakkersuisunik nutaanik pilersitsineq tusaatissatut tigujumavaa kissaatiginerarlugulu naalakkersuisut kommuneqarfiillu kattuffiata ammasumik suleqatigiinnerat ingerlaannassasoq. Kanukoka-p siulersuisui naalakkersuinikkut pissutsit najummassimanarsisimanerat pissutigalugu inatsisartunut qinersisoqarnissaanik piumasaqartunut tapersersuillutik siusinnerusukkut nalunaaruteqarput. “Maannali inatsisartunut qinersinertaqanngitsumik naalakkersuisunik nutaanik pilersitsisoqareerneratigut pingaarnerpaanngorpoq inuiaqatigiinni suliassat ingerlateqqinneqarnissaat suleqatigiilluarnissarlu. Pingaartumillu kissaatiginassaaq aningaasaqarnermut naalakkersuisortaap Augusta Sallingip piaartumik kattuffiup tungaaniit oqaloqatigineqarnissaa,” Jens Lars Fleischer oqarpoq. |
