-
Inuussutissarsiutinut aningaasaleeqataasinnaanermut inatsit allanngorteqqugaat
4. februaari 2002: Inuussutissarsiutinik siuarsaanissaq pillugu suleqatigiissitaq siullermik ataatsimeeqqammerpoq. Tusagassiuutinullu nalunaarummini suleqatigiissitap uparuarpaa "kommunit inuussutissarsiutini aningaasaleeqataasinnaanissaat pillugu" inatsit kommunit iluamik tapersersueqataasinnaanissaannut akimmisaarutaaginnalersimasoq.
-
Ukiumi nutaami sulissutigisassat pingaartut
Ulloq 2. januaari 2002: Siulittaasup Jens Lars Fleischerip ukiortaami oqaaseqaammini taavai sulissutigisassat pingaarnerit ilaat pingasut ukuusut: Kommunit inuussutissarsiutinik siuarsaaqataanissaminnut periarfissarissaarnerulernissaat, nunap immikkoortukkuutaartumik inuussutissarsiutinik piorsaanissap pimoorussamik ingerlanneqalernissaa kiisalu kommunit killeqarfitik akimorlugit allaffeqarfitsigut suleqatigiinnerulernissaat.
-
Aningaasaliissutit amerlanerusut siumungaarlu pilersaarusiortarnissaq
23. januaari 2002: Kanukokap siulittaasua Jens Lars Fleischer naalakkersuisunut ilaasortap Ole Dorphip Sermitsiami nr. 2-mi oqaasiinut akissuteqarluni oqarpoq meeqqanik, inuusuttunik utoqqarnillu sullissinermut tunngatillugu sanaartornermut aningaasaliissutit amerlanerusariaqartut siunissarlu ungasinnerusoq eqqarsaatigalugu pilersaarusiortoqartariaqartoq.
-
Enok Sandgreen sulinngiffeqarnermi siulittaasuugallarpoq
9. juuli 2002: Kanukoka-mi siulittaasoq Jens Lars Fleischer aasaanerani sulinngiffeqarpoq 10. juulimiit 5. aggustimut.
-
Ineriartuutaasumik suleqatigiinnissaq pisariaqarpoq
13. decembari 2002: Kanukokap siulittaasua Jens Lars Fleischer inatsisartut nutaat decembarip 14-iani katersuunnissaat sioqqullugu oqarpoq "pisariaqartinngikkivut aserorsaataasumik nikassaanerit, pisariaqartilluguli naalakkersuisunngortussat ineriartuutaasumik suleqatiginissaat".
-
Kommunitigut aqutsineq nunatsinni demokratiip aallaqqaatigaa
Ulloq 24. juuli 2002 ukiut 30-nngorput kommuneqarfiit kattuffiata pilersinneqarneraniit. Nunatsinnili kommunitigut aqutsineq pisoqaanerujussuuvoq aqqutissiuussisuullunilu innuttaasut oqartussaaqataaleriartorneranni.
-
Akit qaffatsitat kommunit akilissanngilaat
9. aggusti 2002:Siulersuisut ippassaq ataatsimiinneranni Kanukoka-p siulersuisuisa erseqqissarpaat ukiumoortumik ataatsimoortumik tapiissutissat isumaqatigiissutigineqarnerinut atatillugu Namminersornerullutik Oqartussanut ulloq unnuarlu inissanut akiliutissatut isumaqatigiissutigineqarsimasunit qaffasinnerusunik akiliinissartik kommunit pisussaaffiginngikkaat.
-
Kommuninut ataatsimoortumik tapiissutit isumaqatigiissutigineqarput
20. septembari 2002: Aningaasaqarnermut Naalakkersuisoq Augusta Salling Kalaallit Nunaannilu Kommuneqarfiit Kattuffianni siulittaasoq Jens Lars Fleischer ullumi atsioqatigiipput kommuninut ataatsimoortumik tapiissutinik isumaqatigiissut 2003-mut tunngasoq pillugu.
-
Qinersisitsilerneq kommunillu aningaasaqarnerat
18. oktobari 2002: Kanukokap kommunit ilisimatippai inatsisartunut qinersineqartussanngorneratigut aningaasaliissutinut inatsisiliaagallartoq qanoq atortinneqassanersoq suli kaajallaasitakkut nalunaarutigineqanngimmat.
-
Innarluutilinnut angerlarsimaffiit immikkut ittut nunatsinni periarfissaajuarlik
12. apriili 2002: Isumaginninnermi Pisortat peqatigiiffiata ujartorpaa innarluutillit pillugit inatsisartut erseqqinnerusumik politikkeqarnissaat. Peqatigiiffiup ukiumoortumik isumasioqatigiissitsinermini tusagassiorfinnut nalunaarutaa uani atuarneqarsinnaavoq.
-
Meeqqat atugarissaarnerulissappata angajoqqaatut akisussaaffik nukittorsartariaqarpoq
12. apriili 2002: Isumaginninnermi Pisortat peqatigiiffiat isumaginninnermut naalakkersuisumut ammasunik allagaqarluni erseqqissaavoq angajoqqaat meeqqaminnut akisussaammata - taamaattumillu meeqqat atugarissaarnerulissappata angajoqqaatut akisussaaffik nukittorsartariaqartoq. Allagaq tamaat uani atuarneqarsinnaavoq.
-
Paaqqinnittarfinnut aningaasaliissutit taamaapput
17. apriili 2002: Isumaginninnermi naalakkersuisoq Ole Dorph ulloq unnuarlu paaqqinnittarfiit aningaasaliissutinik sippuisimanerannut tunngatillugu oqaaseqareersorlu Kanukokap siulittaasua Jens Lars Fleischer erseqqissaateqarpoq isumaginninnermut pisortaqarfik atuivallaarsimanermut kisimi pisuutinneqarsinnaasoq.
-
Atuartut atuartinneqarnerat naammattumik sivisussuseqartariaqarpoq
30. apriili 2002: Atuartut atuartinneqartarnerata sivikillineqarnissaanik naalakkersuisut siunnersuutaata attatiinnarneqarnera Jens Lars Fleischerip ernumanarnerarpaa. Tusagassiorfinnut nalunaarummi inatsisartut kajumissaarpai tamanna isumaliutigilluaqqullugu atuarfeqarnermut peqqussutissatut siunnersuut maajip ulluisa pingajuanni oqaluuserilersinnagu.
-
Qasigiannguit ilorraap tungaanut saatsikkumallugit
13. maaji 2002: Qasigiannguit Kanukokalu Qasigiannguit-projektimik taallugu suliniuteqarniarput illoqarfiup aningaasarsiornikkut ajornartooqqaneranik qaangiiniarnermi. Naalakkersuisut suleqatigiissitamut immikkut ittumut peqataaqqullugit kajumissaarneqarput.
-
Nunaqarfiit pillugit ilungersortumik saaffiginnissut
10. juuni 2002: Inuutissarsiutinik siuarsaanissaq pillugu suleqatigiissitaliaq Upernavimmi ataatsimeeqqammerpoq. Jens Lars Fleischer tusagassiorfinnut nalunaarummi oqarpoq qaleralinniarnermi tunisassiornermilu pissutsit innuttaasunit naammagineqanngilluinnartut.
-
Aasap ullui inuutissarsiornermi atorluarneqarilittoq
20. juuni 2002: Inuiattut ullorsiornermut tunngatillugu oqaaseqaammini Kanukokap siulittaasua Jens Lars Fleischer tamanut kajumissaarivoq nunatta pissarititaasa atorluarnissaannut imminut piumaffigineq, suleqatiginnikkusussuseqarneq eqaatsumillu aaqqeeriarsinnaaneq atoqqullugit.
-
Sanaartugassat pillugit neriorsoqatigiinneq
1. juuli 2002: Kommunit pingasut, Kanukoka naalakkersuisullu isumaqatigiipput kommunit pineqartut inissialiornermi pilersaarutigeriigaat piviusunngorsinnaaqqullugit kommuninut Ataatsimoortumik tapiissuteqartarneq pillugu isumaqatigiissutip periarfissiissutai atorniarneqassasut. Ataatsimoorlutik tusagassiorfinnut nalunaarutaat uani atuaruk.
