-
2004-mi kommuninut ataatsimoortumik tapiissutissat
23. juuni 2003: Kommuninut ataatsimoortumik tapiissutissat pillugit Naalakkersuisut aamma Kanukoka ullumi isumaqatigiissuteqarput.
-
Angallanneq pillugu isumaliutissiissut amigaateqarpoq
2. aggusti 2003: Aggustip 1-aniit 4-nut angallanneq pillugu Kangerlussuarmi isumasioqatigiinnermi kommunit peqataasut ataatsimoorlutik oqaaseqaamminni ujartorpaat "ataqatigiissumik naliliisoqarnissaa nunalu tamakkerlugu ataqatigiissaarinissap isummerfigineqarnissaa". Oqaaseqaat maani atuaruk.
-
Qaqortumi pissaaq, Aalborgimiunngitsoq
2. septembari 2003: Borgmesterit kommunaldirektørillu ataatsimiinnissaata nunami allami pinissaa pilersaarutigineqanngisaannarsimavoq. Eqqunngitsumik paasissutissiinerup utikulunneqalernera pissutigalugu erseqqissaaneq.
-
Namminersorneq isumaqarluartoq
20. oktobari 2003: "Namminersornerullutik Oqartussat kommunillu ataatsimoorussamik pilersaarusiorlik atortorisatigut periarfissat sulisullu pisinnaassusii atorluarneqarnerusinnaaqqullugit," Kanukokap siulittaasua taama kajumissaarivoq namminersorneq pillugu ataatsimeersuarnissamut 22. aamma 23. oktobarimi pisussamut tunngatillugu oqaaseqaammini.
-
Kommunit nutaamik aaqqissuunneqarnissaat kattussuinerinnarmut tunnganngilaq
29. oktobari 2003: Radioaviisimi nalunaarutigineqartumut tunngatillugu erseqqissaatitut Kanukokap siulittaasua Jens Lars Fleischer oqarpoq strukturkommissionissap kommuninik kattussuisinnaaneq kisiat sammissanngikkaa, periarfissalli assigiinngitsut nalilersussagai.
-
Akisussaaqatigiilluni ineriartortitseqqinnissaq
3. januaari 2003: Kanukokap siulittaasuata Jens Lars Fleischerip ukiortaami oqaaseqaammini eqqartorpai kommunit aaqqissuussaanerannik iluarsaaqqinniarneq, innuttaasut qanimut oqartussaaqataanerat, nunap immikkoortuini inuutissarsiornikkut siuarsaanissamut aningaasaateqarfiliortariaqarneq, inissianik sanaartorneq, meeqqat utoqqaallu isumagineqarnerat, innarluutillit isumagineqarnerat kiisalu "Atuarfitsialak".
-
Suliassat piaarnerpaamik aallarteqqittariaqalerput
14. januaari 2003: Kanukokami siulersuisut pisariaqarnerarpaat naalakkersuisoqarnikkut pissutsit piaarnerpaamik tutsuiginartunngoqqinnissaat - suliassat pisariaqartut aallarteqqinniassammata.
-
Batteriit tunniutikkit
28. apriili 2003: Ajornanngingaarmat puigoqqajaanarpoq! Taama oqaasinnaaqarluni avatangiisinik saligaatsuutitsiniarluni kommunitigoortumik iliuuseq nutaaq eqqaasitsissutaassaaq atortorissaarutit mikisunnguilluunniit avatangiisinut sunniuteqartorujussuusinnaanerannik. Kanukokap siulittaasuata Jens Lars Fleischerip nalunaarutaa atuaruk.
-
Kanukokap siulersuisuinut ilaasortartaaq
12. maaji 2003: Nuummi borgmesteri Agnethe Davidsen kattuffiup siulersuisunut ilaasortanngorpoq, Kalistat Lund nammineq kissaateqarnermigut tunuartoq taarserlugu.
-
Batteriinik katersuineq ilaannakuusumik aallartippoq
13. maaji 2003: Suliniut ”Batteriit tunniutikkit” maanna ilaannakuugallartumik aallartippoq. Atortussat kommuninut arlalinnut anngussimanngillat. Eqqorniagassanut akissutit nassiunnissaannut killissarititaq qaammammik ataatsimik kinguartinneqarpoq.
