|
Sapaatip-akunnerata tulliani borgmesterit kommunaldirektørillu ataatsimiinnissaata sumi pinissaata KNR-radioaviisikkut eqqunngitsumik nalunaarutigineqarsimanera tunngavigalugu maanna oqallittoqalermat matumuuna erseqqissassavarput ataatsimiinneq Aalborgimi pissanngimmat, Qaqortumili pissalluni. Ataatsimiinnerup tamatuma nunani allani pinissaa pilersaarutigineqanngisaannarsimavoq. Ukiup matuma aallartinneranili Qaqortoq ataatsimiiffissatut siunniunneqareerpoq. Kiisalu ataatsimiinnerup qaqugu sumilu pinissaa ulloq 25. juuni allakkatigut tusagassiorfinnut nalunaarutigineqarsimapput, taamatullu oqaluuserisassat paasissutissallu pisariaqartut allat juuli naanngitsorli KANUKOKA-p internetikkut nittartagaatigut saqqummiunneqarput soqutiginnittunit atuarneqarsinnaallutik.
Inussiarnersumik
Lars Olsen pisortap tullia |
