|
Naalakkersuisoqarnikkut pissutsit nalornisoornartut pissutigalugit suliassat kommunini ingerlatsinermi pingaaruteqartut assigiinngitsut maanna utaqqisinneqarput. Inuiaqatigiinni demokratii inatsisartoqarnerlu tunngavigalugit siulersugaasuni assortuunnerit pinngitsoortikkuminaassinnaagaluartut taamaattoq nunatsinni inatsisartunut qinersinerup kingulliup kingorna naalakkersuinikkut pissusiulersut suliassanik unittooqqatitsinerat ingasappallaalerpoq. 2003-mi Namminersornerullutik Oqartussat kommuninut ataatsimoortumik tapiissutissaat 2002-mi septembarimili naalakkersuisullu isumaqatigiissutigaavut. Taamaattorli tamatuma kingornatigut inatsisartunut qinersisariaqalernikkut, taamalu inatsisartut aningaasanut inatsisissaata naammassineqanngitsoorneratigut – aammalu inatsisartunut qinersisoqareermat naalakkersuisoqarnermi nalorninartorsiulernikkut – suliassat iluamik uterfiginissaat ajornarsivoq akunnattuungasumillu ingerlanneqalerlutik. Taamaattumik tamatta pisariaqartipparput piaarnerpaamik naalakkersuisoqarnikkut pissutsit tutsuiginartunngoqqinnissaat – suliassat pisariaqartut aallarteqqinneqarniassammata.
KANUKOKA-mi siulersuisut sinnerlugit
Jens Lars Fleischer Siulittaasoq |
