-
Isumalioqatigiissitat ataatsimeeqqaarnissaat
19. januaari 2004: Aaqqissuussaanermut isumalioqatigiissitat sulilernerat malunnartinniarlugu Hans Egedep Illuani Nuummiittumi sisamanngorpat 22. januaari 2004 nal. 15.00 tusagassiortunik katersortitsisoqarniarpoq.
-
Namminersulernissaq kikkulluunniit susassaqarfigaat
23. januaari 2004: Kommuninut tamanut allakkamini Kanukoka-p siulittaasuata Jens Lars Fleischerip kajumissaarutigaa namminersulernissaq pillugu innuttaasunik oqallitsitsisarnissat tapersersorneqarnissaat.
-
Ukiup Kommunia avatangiisinik eriaginnittuussaaq
5. marsi 2004: Avatangiisinik pisuussutinillu uumassusilinnik eriaginninneq "Ukiup Kommunia"-nik toqqaanissami apeqqutaassaaq. Toqqaanissaq pissaaq KANUKOKA-mut aallartitat maajimi ataatsimiinnissaanni.
-
Namminersorneq naalagaaffeqatigiinnermi
27. februaari 2004: SIK-ip namminersulivinnissaq pillugu isumasioqatigiissitsinerani KANUKOKA-p siulittaasuata Jens Lars Fleischerip oqaaseqaammini naalagaaffeqatigiinnerup iluani namminersornissaq alloriarnertut tulliuttutut taperserpaa. "Inuiaqatigiinni qajannaatsumik tunngaveqarnissaa pillugu suleqataassaagut."
-
Nunaqarfinni ataatsimoortumik allaffeqarnissaq
24. marsi 2004: Nunaqarfiit pillugit ataatsimeersuarnermi Jens Lars Fleischer isumaqarnerarpoq nunaqarfinni pisortat suliffeqarfiutaasa ataatsimoortumik allaffeqarnikkut ingerlatsilernissaannut piffissanngortoq - sullissinerup eqaannerulernissaa pisariillisarnissaalu siunertaralugu.
-
Meeqqat sumiginnakkat pillugit iliuuseqarnissaq
25. marsi 2004: Naalakkersuisut KANUKOKA-lu meeqqat sumiginnakkat pillugit iliuusissanik pilersaarusiornissamut atatillugu pitsaasumik oqaloqatigiilerput.
-
Akileraariaaseq assigiimmillu akeqartitsineq
24. marsi 2004: Naalakkersuisut akileraariaatsimik nutaamik nukissiuuteqarnermilu assigiimmik akeqartitsinerup atorunnaarnissaanik siunnersuutaat akerlilerlugit borgmesterit 14-it oqaaseqaateqarput.
-
Borgmesterit naalakkersuisut siulittaasuannut akissutaat
26. marsi 2004: Akileraartarnermut assigiimmillu akeqartitsinermut tunngatillugu borgmesterit oqaaseqaataannut naalakkersuisut siulittaasuata Hans Enoksenip akissutaanut akissut.
-
Batteriit tunniutikkit – pingaartumik immeqqittakkat!
4. maaji 2004: Upernarnerani illoqarfinni nunaqarfinnilu saliinissaq iluatsillugu KANUKOKA kommunillu batteriikunik katersuinissamut kajumissaareqqinnialerput.
-
Batteriit 175 tons atoqqitassanngorlugit 2003-mi nassiunneqarput
12. maaji 2004: Kommunit 2003-mi akkumulatorit batteriillu avatangiisinut navianartut 175 tons Mokana-mut nassiussimavaat.
-
Meeqqat peqqinnartumik atugassaqartitaallutik peroriartornissaat
2. juuni 2004: -Isumaqatigiissutigineqarpoq suliassat naammassisinnaajumallugit ataqatigiissaagaanerusumik sulissuteqartoqassasoq Kanukokap siulittaasua Jens Lars Fleischer aammalu naalakkersuisoq Asii Chemnitz Narup oqaatigaat.
-
Asiami ajunaarnersuaqarnera pillugu
30. decembari 2004: KANUKOKA-p siulittaasua Kalaallit Nunaanni borgmesterinut tamanut kajumissaarivoq ikiuiniaqatigiiffinnut ajunaarnersuaqarfiusuni suliniartunut tapersersueqqullugit.
-
Erniartortut juullerpalaaqatigalugit
21. decembari 2004: Anaananngortussat sinerissami illoqarfinnit assigiinngitsunit pisut 10-12-it erniartorlutik maanna Nuummiipput.
-
Kalaalimernit naviananngillat
23. decembari 2004: Ajuusaarnassaqaaq paasissutissat itisiligaanngitsut marlunngornermi 21. decembari KNR-ip taamaaliinnarlugit amerikarmiut atuagassiaanni allaaserisaq issuarlugu saqqummiussai inuit annilaarutigissappatigit, tassa "issittormiut nerisaminnik nalornisooruteqartut" - kalaalimernit kemikalianik navianartunik akoqarpallaaqimmata.
-
Suliffimmi nakuusernerit sioorasaarinerillu
5. maaji 2004: Atuagaaraq suliffimmi nakuusertarnerit sioorasaarisarnerillu qanoq pineqartarnissaannik pinaveersaartinneqarnissaannillu ilitsersuutaasoq KANUKOKA-p ilinniartitsisullu kattuffiata IMAK-ip saqqummersippaat sullivimmi avatangiisit pitsanngorsarniarlugit suleqatigiinnerminni. Atuagaaraq pdf-filinngorlugu pineqarsinnaavoq quppernerup ataani.
-
Eqqarsariartaatsit sungiutiinnakkat qimallugit
17. marsi 2004: Nalunaarasuartaateqarneq pillugu Namminersornerullutik Oqartussat ataatsimeersuartitsineranni KANUKOKA-p siulittaasua oqarpoq qarasaasiaqarnikkut attaveqaateqarnikkullu periarfissat nutaat kommunit siunissaannik takorluuinermi ilaatinngitsoorneqarsinnaanngitsut. Oqalugiaataa matuma ataani atuarneqarsinnaavoq.
-
2005-imut ataatsimoortumik tapiissutissat
22. juuni 2004: Aningaasaqarnermut naalakkersuisup, Josef Motzfeldtip, KANUKOKA-llu siulittaasuata, Jens Lars Fleischerip, 2005-imi kommuninut ataatsimoortumik tapiissutissat pillugit isumaqatigiissut ullumi atsiorpaat.
-
Martha Labansen Nersornaatisivoq
24. juuni 2004: KANUKOKA-p pisortaa Martha Labansen inunnut Namminersornerullutik Oqartussat nersornaasiuttagaannik tunineqartunut sisamanut ilaavoq Hans Egedep Illuani pingaartorsiornartumik nersornaasiinermi.
-
Assigiimmik akeqartitsinerup allanngortinneqarnissaa ukiumik ataatsimik kinguartinneqarli
12. aggusti 2004: KANUKOKA-p siulersuisuisa innaallagissap erngullu assigiimmik akeqartinneqarnerata allanngortinneqarnissaanik pilersaarut oqallisigeqqammerpaat - maannalu naalakkersuisunut kaammattuutigaat allannguutit atuutilersinneqarnissaat ukiumik ataatsimik kinguartinneqassasoq.
-
KANUKOKA: Pinngortitaq sianigalugu pisiniartaritsi
16. septembari 2004: Jens Lars Fleischerip kommunit kaammattorpai avatangiisit eqqarsaatigalugit pisiniartarnissamik aalajangernermut peqataaqqullugit.
-
Avatangiisit sianigalugit pisiniartarnissaq pillugu paasissutissarpassuit
13. oktobari 2004: www.kanukoka.gl-imi immikkoortoq nutaaq avatangiisit sianigalugit pisiniarnissamut ilitsersuutinik, avatangiisinut tunngasumik meqqit pillugit paasissutissanik, avatangiisit sianigalugit pisiniartarnissamut kommunit politikkissaannut siunnersuummik allarpassuarnillu imaqarpoq.
-
Iluarsaaqqinnissaq - inuk qitiutillugu
1. januaari 2004: "Silarsuarmi allanngorartuartumi kommunit aaqqissuussaanerannik iluarsaaqqinnissami pingaaruteqarpoq eqqaasitsissutigiuassallugu tamatigut inuk qitiutillugu aaqqissuussisoqartariaqarmat," Kanukokap siulittaasua Jens Lars Fleischer ukiortaami oqaaaseqaammini taama erseqqissaavoq.
-
Kalaalimernit atorneqarnerungaartariaqarput
6. februaari 2004: Ammassalimmi ataatsimeereerlutik KANUKOKA-p inuutissarsiornermut suleqatigiissitaasa NUKA A/S kajumissaarpaat tunisassianik ineriartortitsineq aallunneruleqqullugu, uparuaappullu hotelit nerisassianik nunatta pissarititaanik atuinikippallaarnerarlugit.
