|
Katersortitsinermi najuukkumaarput naalakkersuisut siulittaasuat Hans Enoksen, aningaasanut nunanullu allanut naalakkersuisoq Josef Motzfeldt, Nuup borgmesteria Agnethe Davidsen kiisalu KANUKOKA-p siulittaasua Jens Lars Fleischer.
Isumalioqatigiissitat pilersinneqarsimapput pisortat ingerlatsineranni nammagassat suliassallu agguataarneranni allannguutissanut periarfissanik assigiinngitsunik, aamma siunissami kommunit qanoq aaqqissugaasinnaanerannik, nalileeqqullugit. Isumalioqatigiissitat pillugit paasissutissat, soorlu suliassaat inuttalersugaanerallu, KANUKOKA-p nittartagaani qupp. 4601 -imi pineqarsinnaapput.
Inussiarnersumik
Martha Labansen
Isumalioqatigiissitani siulittaasoq |
