|
Naalakkersuisut siulittaasuat Hans Enoksen, Ilaqutariinnermut Peqqissutsimullu naalakkersuisoq Asii Chemnitz Narup kiisalu KANUKOKA-p siulittaasua Jens Lars Fleischer, meeqqat sumiginnakkat inuuniarnermikkut pitsaasunik atugassaannik pisortat ataatsimoorlutik qanoq qulakkeerinnissinnaanerannut tunngasunik ataatsimeeqatigiipput.
Kisitsisit maannakkorpiaq tusagassiutitigut saqqummertartut ukiut marluk matuma siornatigut misissuinernit kisitsisaapput. Taamaattumik Naalakkersuisut KANUKOKA-llu isumaqatigiissutigaat, pisariaqavissoq ullumikkorpiaq meeqqat angerlarsimaffiup avataanut inissinneqarnissamut qasserpiaat pisariaqartitisinersut paasissallugit. Taamaattumik Naalakkersuisut KANUKOKA-llu kommunit ataasiakkaat paasissutissanik ukuninnga piaarnerpaamik qinnuiginiarpaat, tassalu · maannakkorpiaq meeqqat qassit pineqarpat, · sooq angerlarsimaffiup avataanut inissitassanngorpat, kiisalu · ullumikkut qanoq ikiorserneqarpat Kisitsisit pigineqalerpata Naalakkersuisut KANUKOKA-lu naapeqqissapput iliuusissatut alloriarnissaq tullinnguuttussaq pilersaarusiussallugu. Sukumiinerusumik paasisaqarusukkuit saaffigisinnaavatit Ilaqutariinnermut Pisortaqarfimmi pisortaagallartoq Tabithe Kristensen, oqarasuaat 34 50 00, imaluunniit KANUKOKA-mi pisortaq Martha Labansen, oqarasuaat 32 21 00. |
