KANUKOKA-p siulittaasuata Jens Lars Fleischerip IMAK-illu siulittaasuata Sivso Dorphip atuagaaraq ilitsersuut "Nakuuserneq nakuusernissamillu sioorasaarinerit" saqqummiukkaat

 

KANUKOKAmut IMAKmullu pingaartuuvoq timikkut tarnikkullu ajunngitsunik sulinermi avatangiiseqarnissaq qularnaassallugu kommunit atuarfiini tamani atorfeqartitanut atuartunullu iluaqutaasussamik – tamatumuunakkullu inuiaqatigiinnut tamanut.

Taamaattumik KANUKOKA aamma IMAK assigiinngitsutigut suleqatigiipput sulinermi avatangiisit pitsanngorsarniarlugit suliniuteqarlutik.

Suleqatigiinnerup taassuma inernerisa ilaattut, KANUKOKAp IMAKillu atuagaaraq suliffimmi nakuusertarneq nakuuserfiginninnissamillu sioorasaarisarneq pillugu atuagaaqqiaq saqqummersippaat meeqqat atuarfiini pisortanut tatigisatullu sinniisunut tamanut najoqqutassiaq.

Atuagaaqqiaq pinaveersaartitsinermut ilitsersuutaavoq, kiisalu qanoq pissusilersortoqarnissaanik ilitsersuutaalluni, pisumik ilungersunartumik pisoqartillugu.

Atuagaaqqiap saniagut IMAKp ilaasortanut atuagassiaani Ilinniartitsoq’mi aasaanerani atuanngiffeqareernerup kingorna normumi siullermi ukiut tamaasa ilanngunneqartassaaq pertitertagaliannguaq IMAKp ilaasortaanut tamanut tunniunneqartartussaq sioorasaarneqassagaanni nakuuserfigineqassagaanniluunniit imaluunniit suleqat taamatut nalaataqassappat qanoq iluusissanik siunnersuutitalik.

Saqqummersitatigut tunaartarineqartoq tassaavoq suliffimmi sioorasaarinerit nakuuserfiginninnerillu pinaveersaartinneqarnissaannut taakkulu kingunerisartagaasa annikinnerpaatinnissaannut peqataajumaneq. Taamaattumik KANUKOKAp aamma IMAKip neriuutigaat, atuagaaqqiaq atuarfiit atorluarumaaraat, suleqatigiinnermut ataatsimiititaliani aamma ulluinnerni sulinermi avatangiisit tamanut pitsaasuunissaat qularnaarniarlugu sakkussatut atugassatut.

Atuagaaqqiaq pillugu tusagassiortunik katersortitsisoqassaaq sisamanngornermi maajip arferngani nal. 14.00 KANUKOKAp ataatsimiittarfiani.

Jens Lars Fleischer
KANUKOKA

Sivso Dorph
IMAK