Tusagassiorfinnut nalunaarutit 2005

• Saffiugassat oqimaatsut 134 tons atoqqitassiarineqarput 3. marsi 2005: MOKANA batteriit immikkoortuinik avatangiisinut navianartunik katillugit 134.717 kg-nik ukioq manna Kalaallit Nunaanniit tigusaqarsimavoq.
• Juullip batteriivi tunniussigit 1. decembari 2005: Juulli batteriitortuuvoq! Juullisiutit nuannarisavut tassaasit nissiaqqat nasaannit qilernerusanillu, juullillu ulloriaanit ikittaqattaartunit tusartualissavavut, ilami julekortilluunniit erinarsortalissapput – tassa tamarmik batteriinik ikummateqaramik.
• Ilaqutariit aalisartukkormiut piniartukkormiullu atugarisaat 15. februaari 2005: Ataatsimoorlutik naalakkersuisunut allagaqarlutik aalisartut piniartullu kattuffiata KNAPK-ip siulittaasua Leif Fontaine kommuneqarfiillu kattuffiata KANUKOKA-p siulittaasua Jens Lars Fleischer kajumissaaruteqarput inuuniarnikkut atugarisanik misissuineq naammassineqarteqqullugu, taamaalilluni piniartutut inuussutissarsiuteqarneq aaqqiivigineqarsinnaalerniassammat.
• Ilaqutariit nukittorsarneqarlit 4. januaari 2005: KANUKOKA-p siulittaasuata ukiortaami oqaaseqaammini ilaatigut eqqartorpai ilaqutariit nukittorsarneqarnissaat, pisortat ingerlatsiviisa aaqqissuuteqqinniarneqarnerat kiisalu innaallagissap erngullu akiinik assigiissitsinerup atorunnaarnera.
• Qinigaasinnaaneq pillugu suleriaaseq isornartoq 29. apriili 2005: KANUKOKA-p naalakkersuisut siulittaasuat iliuuseqaqquaa politiit suleriaasitaavat Qinigaasinnaanermut Ataatsimiititaliat sulinerannut taamalu kommunalbestyrelsit inissitsiternissaannut kinguarsaataasoq pillugu.
• Kommunaldirektørit aningaasaqarnermullu pisortat kommunit siunissaat oqallisigigaat 4. maaji 2005: Kommunaldirektørit aningaasaqarnermullu pisortat nunatsinnit tamarmit aggersut Kangerlussuarmi katersuullutik kommunit kattussornissaat suliassanillu Namminersornerullutik Oqartussaniit kommuninut nussuinissaq pillugit isumasioqatigiipput.
• Aaqqissuussaanikkut nutarterineq – oqallisigisigu! 17. aggusti 2005: KANUKOKA-p siulersuisuisa kommunalbestyrelsit kaammattorpai Kalaallit Nunaani Namminersornerullutik Oqartussaanerup eqqunneqarnerata kingorna oqallisigisassat pingaarnersaata oqalligisigineqarnissaa aallarteqqullugu.
• KANUKOKA-p Nunatta Eqqartuussiviata naliliinera akuersaarpaa 22. aggusti 2005: KANUKOKA-p siulersuisuisa Nunatta Eqqartuussiviata Kimik IT A/S-imik eqqartuussivitsigut suliassiiissumminik naliliinera oqaluuseraat Eqqartuussiviullu naliliinerata imarisaa akuersaarlugu.
• Ataatsimoortumik tapiissutit pillugit isumaqatigiissut 7. juuni 2005: Aningaasaqarnermut Naalakkersuisoq Josef Motzfeldt aamma KANUKOKA-p siulittaasua Jens Lars Fleischer ullumi 2006-imi kommuninut ataatsimoortumik tapiissutit pillugit isumaqatigiissumik atsiugaqarput.

• KANUKOKA siulittaasortaalerpoq 9. juuni 2005: Lars Karl Jensen, Qeqertarsuarmi kommunalbestyrelsimut ilaasortaq, ullumi kommuneqarfiit kat-tuffiannut aallartitat Ilulissani ataatsimiinneranni siulittaasussatut qinigaavoq.
• Imaatigut silaannakkulluunniit? 18. juuli 2005: Nunatsinni silaannakkut imaatigullu angallannerup tapiissutinik ingerlatsiviusup allanngortinneqarnissaannik Naalakkersuisut siunniussaannut atatillugu KANUKOKA-p siulittaasuata oqallisissiaa. Aamma quppernerup ataani aajuk Kujataani Kommunit Peqatigiiffiata naalakkersuisut siulittaasuannut Hans Enoksenimut allagaa.
• Inuussutissarsiorneq pillugu isumasioqatigiinnissaq 29. juli 2005: Kommuninut allagaqarluni KANUKOKA-p siulittaasuata kajumissaarutigaa inuussutissarsiorneq pillugu isumasioqatigiinnissamut pikkorissarnertuttaaq aaqqissuunneqartussamut peqataalluartoqarnissaa. Allagaq matuma ataani atuaruk.
• Ukiup Kommunia suliffigissaaniartuussaaq 8. marsi 2005: KANUKOKA-p kommunit kajumissaarpai 2005-imi Ukiup Kommuniatut piukkunneqartunut ilanngunniaqqullugit, qulequtaralugu ”Kommune sullivinni avatangiisit eqqarsaatigalugit maligassaasumik iliuuseqartoq".
• Inuussutissarsiutinik siuarsaanermi periarfissat nutaat 5. septembari 2005: Lars Karl Jensen kajumissaarivoq inuussutissarsiutinik siuarsaanermi aaqqissuussineq nutaaq pillugu isumasioqatigiinneq malittareqqinneqassasoq innuttaasunut paasissutissiilluni ataatsimiisitsinikkut.
• Piareersarnissamut piffissaqarnerorusuppugut 17. oktobari 2005: KANUKOKA-p siulersuisuisa piumasaraat kommunit kikkunnik kattuteqateqarnissaminnik aalajangereersimanissaminnut piffissaat siunnersuutigineqarsimasoq ukiumik ataatsimik kinguartinneqassasoq.
• Namminersorneq pillugu sulinermi kommunit peqataanerat 30. novembari 2005: Namminersornerullutik Oqartussat namminersorneq pillugu sulinermi kommunini ataqatigiissaarisunut pikkorissartitsineranni KANUKOKA-p siulittaasua Lars Karl Jensen oqaaseqarpoq. Oqaaseqarnermini najoqqutaa maani atuaruk, pikkorissarnermilu programmi quppernerup ataani aaneqarsinnaavoq.
• Erniartortut juullisunnitsortugassinneqartut 21. decembari 2005: Anaananngortussat Kujataani Ammassivimmiit Avannaani Upernavimmut sinerissaminngaanneersut erniartorlutik Nuummiittut ullumi KANUKOKA-p siulittaasuanit juullisunnitsortugassinneqarput.
• Ukioq naleqqersuiffiusussaq 28. decembari 2005: KANUKOKA-p siulittaasuata Lars Karl Jensenip ukiut nikilerneranni oqaaseqaataa. Ukioq 2006 naleqqersuiffiusussatut taasariaqarnerarpaa, tassa pisortat ingerlatsiviisa aaqqissuussaanerannik iluarsaaqqinnissaq ukiumi tassani naalakkersuinikkut isummerfigineqartussaammat.