Inuussutissarsiutinik siuarsaanerup nutaamik aaqqissuunera pillugu isumasioqatigiissitsineq Kangerlussuarmi ulluni 22. -26. aggusti ingerlanneqartoq innuttaasunit qanoq atorneqarsinnaava?

Inuussutissarsiutinik siuarsaaneq pillugu isumasioqatigiinnerup/pikkorissarnerup "kissalaarnerani" kommunit peqataasuinut kajumissaarutigineqassaaq nutaamik aaqqissuussaanerup innuttaasunut sutigut periarfissiinera pillugu innuttaasunik paasissutissiilluni ataatsimiisitsinerit ingerlanneqaqqullugit.

KANUKOKA-p tungaaniit maannakkut suliarineqarput isumasioqatigiinnermit/pikkorissarnermit eqikkaanerit kommunit najoqqutarisinaasaat, ulluni qanittuni kommuninut ingerlatinneqartussat. Taamatuttaaq kaammattuutigineqassaaq nittartagaq www.inussuk.gl paasisussutissarsiorfigeqqullugu - tassani "Aaqqissuussinerit" ataanni isumasioqatigiinnermit paasissutissat pineqarsinnaammata, ulluni taakkunani susoqarnera tamanit takuneqarsinaalluni.

Inussiarnersumik
Lars Karl Jensen
KANUKOKA-mi siulittaasoq

Una tooruk Lars Karl Jensenip isumasioqatigiinnermi oqalugiaataa atuarumallugu