|
Aatsitassat oqimaatsut batteriiniittut
Batteriit pinngussanut assigisaannullu ikkutivitat ajornerpaasarput. Arlalippassuartigut batteriit NikkelCadmiumiusut imaluunniit batteriiaqqat kviksølvitallit juullimut elektronikiliani atorneqartarput, batteriillu taamaattut tassa ulorianarnerpaapput. Cadmium aamma kviksølv tassaapput aatsitassat oqimaatsut pinngortitami amerleqqunngeqisavut. Sananeqaatit arlariit taakku peqqissutsimut navianartorujussuupput.
Elektronikit akikitsuliat batteriillu tassaapput eqqakkat avatangiisinut navianartut
Juullimut elektronikkiliat juulli qaangingaarnagu atasussiaasarput. Ilaat julefrokosternermi pisaariinnarlugit aseroreertarput. Qilernerusat erinarsortartut, nissiaqqatut natsat ikeqattaartartut, ikittaatit oqaluumasut, inngilip suluusai aalasartut, aammalumi nivingasuutit aalasartut assigiinngitsorpassuit, tuttut, nissiaqqat inngilillu erinarsortartut pinnguakujuillu isiginnaarutaasannguallit assigiinngitsorpassuit tamavimmik aatsitassanik oqimaatsunik akoqarput. Taamaammat eqqaamajuk nissiaqqatut natsat qilernerusallu aserorpata batteriivi piissagakkit. Tassami erniinnaq aserortarput, amerlalluinnarlutillu.
Juullimi siunnersuutinnguaq
Aamma ilaqutariinnut meerartalinnut avatangiisinik mianerinnikkusuttunut piukkunnartuuvoq batteriinik avatangiisinut ilisarnaasikkanik poortarsuarnik pisinissaq, tassami pinngussat batteriitortut orpiup ataani tunissutissani amerlasaqimmata.
Tunniukkiartukkit – qujanaq!
Natsavit qilernerusavillu batteriivi piikkit kommunillu tamakkuninnga eqiteriffianut – Batteriit tunniussigit – tunniullugit.
Kommunip tamakkuninnga eqiteriffia avatangiisillu mianerinissaat pillugit annerusumik paasisaqarusukkussi – saaffigisiuk Kitte Vinter-Jensen, kommunini avatangiisinik sernissuiniarluni ingerlassaq, Projekt Miljø i kommunerne
mailto:kivi@kanukoka.gl – 322280 – lokal 404
Juullimi pilluaritsi
Lars Karl Jensen
Siulittaasoq
| 
