|
Kommunit qinnuigineqareerput siunnersuuteqaqqullugit kingusinnerpaamik ataasinngorneq 2. maaji 2005. Siunertaavorlu Ukiup Kommunia ileqquusut malillugit toqqarneqassasoq KANUKOKA-mut aallartitat ataatsimiinneranni Ilulissani 8. aamma 9. juuni 2005 pisussami. Kommuninut allakkami oqaatigineqarpoq 2005-imi "Ukiup Kommunianik" toqqaanissap immini siunertarigaa suliffigissaanerup - timikkut tarnikkullu - pingaaruteqassusiata erseqqissarneqarnissaa. Tassami suliffimmi avatangiisit pitsaasut, illutigut atortutigullu sinaakkusiussat isumannaatsut naleqquttullu, minnerunngitsumillu suleqatigiinnikkut ajunngitsumik ingerlaneq najukkami inuiaqatigiinnut iluaqutaasumik sulinermik nuannernerulersitsisussaapput inuunermillu pitsaanerulersitseqataallutik. Siunnersuutinik naliliinermi maluginiarneqarumaarput iliuutsit pissutsillu kommunip suliffeqarfiini tamalaani (imaappoq kommunip allaffiiniinnaanngitsoq) atuuttut suliffigissarneq eqqarsaatigalugu piukkunnaatillit ineriartuutaalluarsinnaasullu, soorlu makkunatigut takussutissallit:
Naliliisoqatigiinnik pilersitsisoqareerpoq ukua sinniisuisa peqataaffigisaannik: Sullivinni avatangiisit pillugit Siunnersuisoqatigiit (Suliffigissaasut) sulisullu kattuffii Atorfillit Kattuffiat, SIK kiisalu IMAK. Una tooruk 2004-mi Ukiup Kommunia pillugu paasissutissat atuarumallugit |
