-
Isumaginninnermi qitiusumit politikki aamma amigaataavoq
23. januaari 2006: Kommunini isumaginninnermi ataatsimiititalianut ilaasortat Ilaqutariinnermut Pisortaqarfimmit 23. - 26. januaari 2006 pikkorissartinneqarneranni KANUKOKA-p siulittaasuata oqalugiaataa.
-
Atortukut innaallagissamoortut igitassat pillugit takusassiaq
23. oktobari 2006: KANUKOKA’ p Elektronikikut avatangiisinut ajoqutaanngitsumik qanoq eqqortumik isaterneqartarnissaat passunneqartarnissaallu pillugit ilitsersuummik videolioqqammerpoq ullumikkut nassiussukkaminik.
-
Lars Karl Jensen napparsimalluni sulinngikkallarpoq
27. marsi 2006: KANUKOKA-p siulittaasua Lars Karl Jensen tallimanngornermi 24. marsi Dronning Ingridip Napparsimmavissuanut unitsitaavoq qaratsamigut aanaartuutsiarnermi kingunerisaanik.
-
Paaqqutarisarialinnik napparsimmavinniititsinernut akigititat
29. marsi 2006: Paaqqutarisarialinnik napparsimmavinniititsinernut akigititat pillugit suleqatigiissitat suliartik naammassivaat. Peqqissutsimut naalakkersuisup KANUKOKA-llu siulittaasuata tulliata tusagassiorfinnut nalunaarutaat matuma ataaniippoq.
-
Karl Lyberth siulittaasuugallassaaq
25. apriili 2006: Kalaallit Nunaanni Kommuneqarfiit Kattuffianni siulersuisut ullumi ataatsimiinnerminni aalajangerpaat Karl Lyberth, Siumut, kattuffimmut aallartitat 17. aamma 18. maaji ileqquusumik ataatsimiinnissaata tungaanut siulittaasuugallassasoq.
-
Qaanaami aningaasaqarniarnikkut pissutsit
16. maaji 2006: Qaanaap Kommuniani pissutsit ullumi atuuttut tusagassiorfitsigut sammineqarnerat tunngavigalugu matumuuna Kalaallit Nunaanni Kommuneqarfiit Kattuffianni, KANUKOKA-mi, siulersuisut kom-munimik tassanilu innuttaasunik tapersersuerusunnertik matumuuna nalunaarutigerusuppaat.
-
Aaqqissuusseqqinnissaq aallartitat ataatsimiinneranni oqallisigineqarpoq
18. maaji 2006: Kalaallit Nunaanni Kommuneqarfiit Kattuffiannut aallartitat 34-ssaannik ataatsimiinnerat ullumi naammassivoq, kattuffiullu siulersuisui suliassanik pissanganartunik tunineqarlutik sulianik ingerlatitseqqinnissaminnut qilanaarput.
-
Isumaginninnermi siunnersortit akissarsiaat
12. juuni 2006: Tjenestemandit kattuffianni siulittaasup KANUKOKA-llu pisortaata erseqqissarpaat sapaatip-akunnerani 39-mi nalinginnaasumik AK-p isumaqatiginninniarnissaata pilersaarutaareernera.
-
Paaseqatigiinnissaq suleqatigiinnissarlu
13. juuni 2006: Katrine Larsen Lennert, KANUKOKA-mi siulersuisunut ilaasortaq, nunaqarfimmiut ataatsimeersuarnerata ammarneqarnerani oqarpoq aaqqissuussaanermik iluarsaaqqinnissap paaseqatigiissutigalugulu suleqatigiissutigineqarnissaa pisariaqartorujussuusoq.
-
Lars Karl Jensen napparsimalluni sulinngikkallareerluni suleqqilerpoq
25. juuli 2006: KANUKOKA-p siulittaasua Lars Karl Jensen sisamanngornermi 22. juuni suleqqilerpoq, taamaalillunilu 25. apriili 2006-imit siulittaasuugallarsimasoq Karl Lyberth siulittaasup tulliatut siullertut inissippoq.
-
Saviminikunut saffiugassanullu eqqaavinnik saliineq
16. aggusti 2006: Kommunit sinnerlugit KANUKOKA eqqaasarnermut siunnersortimut isumaqatigiissuteqarpoq, ataatsimoorullugu saviminikunik saffiugassakunillu saliinissamut misissueq-qaarnissaq pillugu.
-
Ikaarsaariarnermi ataatsimiititaliat
22. aggusti 2006: KANUKOKA-p siulersuisuisa ataatsimeereerlutik sumiiffinni oqartussaaqataaneq aqutseriaatsillu pillugit suleqatigiissitap innersuussutai ikaarsaariarnermi ataatsimiititaliat qinigaasarnissaat atuunniissaasalu sivisussusaat isumaqatigaat
-
Siunnerfigineqartoq erseqqinnerulerpoq
13. septembari 2006: Borgmesterit kommunaldirektørillu ulluni 12. aamma 13. septembari 2006 ataatsimiinnerminni pisortat suliassaqarfiinik aaqqissuusseqqinnissaq kommunillu aaqqissugaanerat oqaluusereqqippaat.
-
Kommuninut ataatsimoortumik tapiissutissat
25. septembari 2006: Naalakkersuisut KANUKOKA-lu ullumi 2007-imi kommuninut ataatsimoortumik tapiissutit pillugit isumaqatigiissuteqarput.
-
Isumaginninnermi pisortat siulittaasullu isumasioqatigiinnerat
23. septembari 2006: Isumaginninnermi pisortat Isumaginninnermilu Ataatsimiititat siulittaasuisa 21.-23. septembari 2006 isumasioqatigiinnerannit tusagassiutinut nalunaarut
-
Innarluutillit sullinneqarnerat ataatsimoornerusumik
19. oktobari 2006: Perorsaasutut ilinniagallit peqatigiiffiata PIP-ip innarluutillit atugarisaat pillugit isumasioqatigiissitsinerani Nuummi Katuami pisumi KANUKOKA-p siulittaasuata Lars Karl Jensenip oqalugiaataa.
-
Ataatsimoortumik tapiissutissat allanngortinneqalersaanngillat
20. januaari 2006: Aningaasaqarnermut naalakkersuisoq Josef Motzfeldt KANUKOKA-p siulersuisuisa Ilulissani ataatsimiinnerannut nassuiaajartoqquneqarpoq. Sammivai pingasuiulluni isumaqatigiinniarnissat, kattuffinnik isumaqatigiissutit, ilinniartitaanerup immikkut aallunneqarnera, kommuninut ataatsimoortumik tapiissutit pillugit isumaqatigiinniarnissat kiisalu aaqqissugaanermik iluarsaaqqinniarneq.
-
Aaqqissuussaanermik iluarsaaqqinnissaq pillugu borgmesterit isummerput
2. marsi 2006: Borgmesterit kommunaldirektørillu Nuummi ataatsimiinneranni borgmesterit peqataasut, Kujataani borgmesterit pingasut sila pissutigalugu takkutinngitsoortut kisimik pinnatik, ataatsimoorlutik oqaaseqaateqarput ataatsimiinnerup naammassinerani.
-
Kujataamiut aaqqissuusseqqinnissaq pillugu isumaat
8. marsi 2006: Kujataani kommunini borgmesterit kommunaldirektørillu Narsarsuarmi 6. aamma 7. marsi 2006 ataatsimiipput Aaqqissuussaanermut Isumalioqatigiissitat siunissami kommunit pillugit isumaliutissiissutaat oqallisigalugu.
-
KANUKOKA qorsummik pisiniartarpoq
13. marsi 2006:KANUKOKA’mi pisortat aalajangersimapput qorsummik pisiniartarnissamik politikkerisamut kommuninut inassutigisatsinnut peqataajumallutik.
-
Napparsimmavinniititsinernut akit qaffannerat
14. marsi 2006: KANUKOKA Peqqissutsimut Avatangiisinullu Naalakkersuisumut allagaqarluni napparsimasut paaqqutarisariaqartut napparsimmavinniitinneqarnerinut akit annertuumik tassanngaannartumillu qaffanneqarnerinut akerliliivoq.
-
Naalakkersuisut siulittaasuannut allakkat ammasut
17. marsi 2006: Napparsimasut paaqqutarisariallit napparsimmavimmiitinneqartarnerannut akigititat qaffarujussuarnerat pillugu KANUKOKA-p akerliliineranut Peqqissutsimmut Pisortaqarfiup tusaajumannginnerata kingunerisaanik KANUKOKA-p siulittaasua Lars Karl Jensen naalakkersuisut siulittaasuannut Hans Enoksenimut allagaqarpoq.
-
KANUKOKA-p Kimik IT A/S-imik eqqartuussisulersuussinera aalajangiiffigineqarpoq
20. marsi 2006: KANUKOKA-p Kimik IT A/S-imik tassanilu aktiaatilinnik eqqartuussisunut suliassanngortitsisimanera Kalaallit Nunaata Eqqartuussiviata ulloq 8. marsi 2006 aalajangiiffigaa.
-
Akitsuineq pillugu suleqatigiissitaliortoqarpoq
21. marsi 2006: Peqqissutsimut naalakkersuisoq KANUKOKA-llu siulittaasua napparsimasut paaqqutarisariallit napparsimmavimmiitinneqartarnerannik akitsuineq pillugu ataatsimiipput. Ataatsimiinnerup kingorna tusagassiorfinnut nalunaarut matuma ataaniittoq tusarliunneqarpoq.
-
Igitassat avatangiisinut ulorianartunik akullit eqqaaviinnarnut igitassaanngillat
22. novembari: Nunatsinni suliffeqarfiit tamarmik sapaatip akunnerini tulliuttuni avatangiisit pillugit eqqarsaateqaqqullugit kajumissaarneqarput. KANUKOKAp siulittaasuata Lars Karl Jensenip allaffimmiut tamaasa qinnuigai eqqagassat avatangiisinut ulorianaateqarsinnaasut eqqaaviinnarmut igittaqqunagit.
-
Aaqqissuussaanermik iluarsaaqqinnissami piffissanik suliassanillu pilersaarusiaq
22. novembari 2006: Piareersagassat suunerannik takussutissiinissaq ilitsersuutinillu atoriaannaasunik kommuninut pissaqartitsinissaq pillugu KANUKOKA aaqqissuussaanermik iluarsaaqqinnissami piffissanik suliassanillu pilersaarusiamik nittartakkakkut www.kanukoka.gl-ikkut saqqummiusseqqammerpoq.
-
Ilinniartitsisussaaleqineq iliuuseqarfigineqarli
21. decembari 2006: Ilinniartitaanermut Naalakkersuisoq, Tommy Marø, KANUKOKA-llu siulittaasua, Lars Karl Jensen, peqatigiillutik meeqqat atuarfianni ilinniartitsisussaaleqineq iliuuseqarfiginiarlugu suliniutinik arlalinnik aallartitsilerput.
