|
Isumaginnermi siunnersortit – socialrådgiverit – kommunini atorfeqartut akissarsiakippallaarnerat ulluni kingullerni oqallisaavoq.
Tamanna pillugu tusagassiuutitigut apersuinerit ilaanni KANUKOKA-mit oqartoqarsimavoq Atorfillit Kattuffiat (AK) isumaginninnermi siunnersortit akissarsiaat pillugit immikkut isumaqatiginninniarumasimanngitsoq. Taama oqarsimaneq ajuusaarnarpoq, tassami AK-p isumaginninnermi siunnersortit akissarsiaat pillugit maannakkorpiaq isumaqatiginninnialersaannginneranut pissutaammat sapaatip-akunnerani 39-mi nalinginnaasumik AK-p isumaqatiginninniarnissaata pilersaarutaareernera, taamaattumillu atorfeqartut taakku kisiisa pillugit maannakkorpiaq isumaqatiginninniassalluni tulluartuunaviarnani.
Inussiarnersumik
Martha Labansen, KANUKOKA-mi pisortaq Erik Hammeken, AK-p siulittaasua |
