|
Ataatsimiinneq tamanna pivoq borgmesterit kommunaldirektørillu 1. aamma 2. marsi Nuummi ataatsimiinnerat Kujataamiut silap ajornera pissutigalugu peqataaffiginngitsuugaata nanginneratut.
Ullormut oqaluuserisassat qulequttallu sammineqartut aamma taakkuupput, Kujataanilu kommunit sinniisaasa Nuummi ataatsimiinnermi oqaaseqaatigineqartut tunngaviatigut isumaqatigaat, isummiunneqartunulli imaattunik ilassuteqarusullutik: Suliassat nammagassallu agguataarneqarnerat Nuummi ataatsimiinnermit oqaaseqaatit isumaqatigineqarput, ukuli taasariaqartinneqarlutik:
Kujataani borgmesterit borgmesteritut allatulli isumaqarput isumaliutissiissummi naammassisaqarluarnerunissamik sipaaruteqarnissamillu naatsorsuinerit anguniakkallu piaartumik nalilersorluarneqartariaqartut. Kommuniulersussani sumiiffinni oqartussaaneq Aqutsisoqatigiinnik aaqqissuussinermi nutaami sumiiffinni demokratiip qanoq ineriartortinneqarsinnaaneranik isumassarsianik saqqummiussuisussanik pilersitsisoqarnissaa borgmesterit tapersersorpaat. Suleqatigiissitani aqutsisoqatigiit ataanniittussani atuisut sinniisoqarnissaata iluaqutaanissaa aamma taarusunneqarpoq. Kommunit nutaamik aaqqissugaanissaat iluarsaaqqinnissallu piffissalersugaanera Borgmesterit isumaqarputtaaq siunnersuutit Aaqqissuussaanermut Isumalioqatigiissitat isumaliutissiissutaanni saqqummiunneqartut oqaluuserinissaannut piffissaliilluartoqartariaqartoq aammalu kommunit qassiunissaannik aalajangivinnissaq aatsaat pisariaqartoq apeqqutit borgmesterit kommunaldirektørillu Nuummi Narsarsuarmilu ataatsimiinnerini tikkuarneqartut akineqareerpata. Kiisalu Kujataani kommunit peqatigiiffiata kissaatigaa kommunit pisussaaffiliisumik suleqatigiilersinnaanerat kattunnissap saniatigut periarfissatut allatut nalilersorneqassasoq.
Kristine Raahauge Kiista P. Isaksen Simon Simonsen |
