Tusagassiorfinnut nalunaarutit 2007

• Agnethe Davidsenimik eqqaaniut 26. novembari 2007: Sapaammi 25. novembari 2007 Agnethe Davidsenip toquneranik nalunaarut kommuneqarfinni ta­ma­ni aliatsaatigineqarpoq.
• Kommunalbestyrelsinngortussat aalajangigassaraat 10. januaari 2007: KANUKOKA-p siulittaasua isumaqarpoq illoqarfinnik inerisaaviusunik toqqaasoqassaneranik taamaassappallu sumiinnissaannik apeqqut aaqqissuussaanermi nutaami kommunalbestyrelsinngortussat suliassarigaat aalajangiiffigisassarigaallu.
• Kujataamiut qitiusumut eqiterinermut isornartorsiuinerat isumaqatigaarput 24. aggusti 2007: KANUKOKOKA-p siulittaasuata Søren Alaufesenip Kujataani Kommunit Peqatigiiffiat allaffigaa akileraaruserinermik akiliitsiniartarnermillu qitiusumut nuussinermik isornartorsiuinera kattuffiup isumaqatigigaa. Kujataani kommunit oqaaseqaataat quppernerup ataani pineqarsinnaapput.
• Suliassanik nussuinissamik piareersaaqatigiinnissamik isumaqatigiissut 12. septembari 2007: Suleqatigiissitat Namminersornerullutik Oqartussanit kommuninillu katitigaasut qulaajaallutillu suliaqassapput kommunit aalajangigassaannut tunngavissanik. Quppernerup ataani pineqarsinnaapput isumaqatigiissut, suleqatigiissitanut najoqqutassiaq kiisalu suleqatigiissitat sulinerannut piffissaliussat.
• Innarluutillit suliffeqarnissamut periarfissaqartitaanissaat 27. septembari 2007: - Innarluutillip sulisinnaassutsini killeqaraluartoq pisinnaasani piumassutsilu naapertorlugu sulisinnaanera inummut namminermut peqqinnartuuvoq inuiaqataasunullu iluaqutaasussaavoq. Innarluutillit Kattuffiat KANUKOKA taama isumaqatigiipput.
• Suliassanik kommuninut nuussineq piaarnerpaamik aallartittariaqarpoq 24. septembari 2007: KANUKOKA-p siulittaasua erseqqissaateqarpoq kommunit kattunnissaata ukiunik marlunnik kinguartinneqarsinnaaneranik kissaateqartutut paasineqarsinnaasumik issuarneqarnermi kingorna.
• Kommuninik aaqqissuusseqqinnissaq pillugu aviisi 29. novembari 2007: "Kommunit nutaat" tassaavoq atuagassiaq paasissutissiissut KANUKOKA-p aviisi Sermitsiaq suleqatigalugu naqitertitaa. Atuagassiaq quppernerup matuma ataani pdf-inngorlugu pineqarsinnaavoq.
• Akiliisitsiniartarnerup qitiusumit ingerlanneqalerniarnera 8. oktobari 2007: KANUKOKA-p siulittaasuata Søren Alaufesenip tusagassiorfinnut nalunaarummi uani erseqqissarpaa inkassomut tunngatillugu suliassaqarfiup nukittorsarneqarnissaa kommunerujussuanngortussat namminneq isumagilluarnerusinnaagaat.
• Borgmesterit kommunaldirektørillu ataatsimiinnerannit 26. oktobari 2007: Borgmesterit kommunaldirektørllu 25. aamma 26. oktobari 2007 ataatsimiinnerannit oqaaseqaatit marluupput: Eqikkaaneq una kiisalu Inatsisartunut allakkat ammasut quppernerup matuma ataani pineqarsinnaasut.
• Borgmesterit kommunaldirektørillu Nuummi ataatsimiinnissaat 23. oktobari 2007: Sisamanngornermi 25. aamma tallimanngornermi 26. oktobari 2007 nunatsinni borgmesterit kommunaldirektørillu ataatsimiissapput Katuap inersuaaraani. Ataatsimiinneq nal. 9.00 aallartittassaaq.
• Siumut, 30-liinissinni pilluaritsi! 28. juuli 2007 : KANUKOKAp siulittaasuata Søren Alaufesenip Siumut pilluaqquaa kissaassillunilu aaqqissuussaanermi iluarsaaqqinneq oqartussaaqataanerlu inuiaqatigiit akornanni oqallisigilluarneqassasoq.
• Immikkut inerisaaviusunik illoqarfeqarneq oqallisissaqqippoq 19. januaari 2007: Immikkut inerisaaviusunik illoqarfeqarnissamik oqallinneq ajoraluartumik Nuup borgmesteriata uangalu oqqannerattut pissuseqalerpoq, KANUKOKA-p siulittaasua isumaqarpoq.
• Sumiiffinni oqartussaaqataaneq qanoq atugaqartitaassanersoq oqalliseqataaffigisiuk 24. januaari 2007: KANUKOKA-p siulittaasua Lars Karl Jensen kajumissaarivoq aaqqissuussinissami nutaami sumiiffinni oqartussaaqataaneq ajornerulersinnagu akerlianilli imaqarnerulersillugu nukittunerulersillugulu qanoq ineriartortinneqarsinnaanersoq oqallisigineqaqqullugu.

• Elektronikkikut tunniussigik! 9. novembari 2007: Elektronikikut tunniussigik!- batteriitulli avatangiisinut navianartigaat. Kommunit batteriikunut elektronikkikunullu mikisualunnut ikioraavissanik ulluni makkunani inissitsiteripput.
• Ilaqutariit nukittorsarnissaat – tassa kikkut tamarmik susassaqarfiat 7. novembari 2007: Nuannaarutissaavoq innuttaasut akornanni soqutigisaqaqatigiinnik ajornartorsiutit iluarsiniarneqarnissaannik sulissuteqartunik saqqumilaartoqalernera – tamannami pisortat kisimik isumalluutigineqarsinnaannginnerannik paasinninnermik tunngaveqarmat, KANUKOKA-p siulittaasua isumaqarpoq.
• Borgmesterit kommunaldirektørillu ataatsimiinnerannit 15. marsi 2007: Naalakkersuisut aaqqissuussaanermik iluarsaaqqinnermi suliap killiffia pillugu nassuiaataat KANUKOKA-p siulersuisuisa, borgmesterit kommunaldirektørillu 14. marsi 2007 ataatsimiinnerminni sammivaat.
• Kattunnissaq 2010-ip aallartinnerani pili 15. marsi 2007: Borgmesterit ataatsimiinnerminni aalajangerput inatsisartunut naalakkersuisunullu allagaqarniarlutik tunngavissat allanngorsimaneri pissutigalugit kattunnissaq 2010-p aallartinneranut piffissaleqqullugu.
• Atuarfitsialak ilinniartitsisussaaleqinerlu 11. apriili 2007: Ilinniartitsisut kattuffiata IMAK-ip atuarfik pillugu 11.-13.apriili ataatsimeersuartitsinerata "Naleqqiiffiup" Nuummi Katuami ammarneqarnerani oqalugiaammini KANUKOKA-p siulittaasuata sammivai ilinniartitsisussaaleqineq, ilinniartitsisut nuttarnerat piffissallu suliffiusut.
• KANUKOKA-mut aallartitat immikkut ittumik ataatsimiinnissaat 26. apriili 2007: Kommunit arfinillit (Nanortallip, Qaqortup, Narsap, Maniitsup, Sisimiut aamma Qasigiannguit) piumasaqarnerat tunngavigalugu Kalaallit Nunaanni kommuneqarfiit kattuffianni KANUKOKA-mi siulersuisut kattuffimmut aallartitanik immikkut ittumik ataatsimiigiaqqusipput.
• Umiatsiap batteriivi tunniussigit 21. maaji 2007: Batteriikit kommunip eqqakkanik sullissiviani tigooraavimmut tunniutassaapput. Kommuni taamaattunik tigooraaveqarsimassanngippat teknikeqarfik attavigalugu akkumulatorit sumut tunniussinnaanerlugit aperisiuk.
• Avatangiisilerinermi taaguusersuutit 23 maaji: Oqaasileriffiup KANUKOKA-llu saqqummersitassaat: Avatangiisilerinermi taaguusersuutit - Miljøteknisk terminologi.
• Søren Alaufesen KANUKOKA-p siulittaasortaava 23. maaji 2007: Kalaallit Nunaanni Kommuneqarfiit Kattuffiata ileqquusumik ataatsimiinnerani siulittaasoq Lars Karl Jensen siulersuisullu tunuarniarlutik aalajangerput, taamaalillunilu siulittaasumik siulersuisu-nullu ilaasortanik qinersisoqaqqippoq.
• Aallartiffissaq pillugu oqaaserisanik erseqqissaaneq 29. maaji 2007: Søren Alaufesenip kommunit kattunnissaata qaqugu pinissaanik oqaaserisaminut Siumup Inatsisartunut ilaasortaatitaasa isornartorsiuinerannut akissutaa.
• Siulittaasut nikinnerannik malunnartitsinissaq 14. juuni 2007: Qanittukkut KANUKOKA-mut aallartitat ataatsimiinneranni siulittaasortaarneq malunnartinniarlugu tallimanngornermi 15. juuni ilasseqatigiinnissamut qaaqqusisoqarpoq.
• 2008-mi ataatsimoortumik tapiissutissat 16. juuni 2007: Aningaasaqarnermut Naalakkersuisoq Hans Enoksen aamma KANUKOKA-mi siulittaasoq Søren Alaufesen 2008-mi kommuninut ataatsimoortumik tapiissutit pillugit isumaqatigiissummik ullumi atsiorput.
• Maniitsup ukiunik 225-liinerani 1. juuli 2007: Maniitsup illoqarfittut ukiunik 225-liinerata pisortatigoortumik ammarneqarnerani KANUKOKA-p siulittaasua Søren Alaufesen oqalugiartunut ilaavoq. Oqalugiaataata allassimanera maani ilanngunneqarpoq.
• Inuunerup Atuarfia 45-nik ukioqalerpoq 3. juuli 2007: Knud Rasmussenip Højskolia Sisimiuniittoq ukiunik 45-liilluni nalliuttorsiorpoq. KANUKOKA-p siulittaasuata Søren Alaufesenip tamanna pillugu oqalugiaataa maani atuarneqarsinnaavoq.