Siumup Inatsisartuni ilaasortaatitaasa tusagassiorfinnut nalunaarutaannut akissut
Matumuuna erseqqissassavara radioaviisimi apersorneqarninni naalakkersuisut siulittaasuata KANUKOKA-mut aallartitanut oqalugiarnermini aaqqissuussaanermik iluarsaaqqinnissap 1. januaari 2009-mi atuutilernissaanik aalajangiusimanninnera KANUKOKA-mi siulittaasutut qanoq isumaqarfigineriga aperineqarama akissutima qiterisaa uaniimmat:
Soorunami uanga nammineq isummanni orniginartinnerutikkaluarpara ukiumik ataatsimik kinguartitsinissaq. Kisianni Inatsisartut nunatsinni politikkikkut qullersaapput, Inatsisartullu upernaaq aalajangereerput allannguiffik 1. januaari 2009-ussasoq.
Aamma ukioq 2010-mut kinguartitsisoqarnissaanik anguniagaqartoqarnissaanik oqaaseqanngilanga, taamaallaalli orniginarnerutitsisimagaluarnermik isummannik anitsinerulluni – taakkulu uanga nammineq akisussaaffigaakka.
Merserusunnata siulersuisunngortuni peqatigiilluta kommunerujussuit 1. januaari 2009-mi atuutilerlutik aallartinnissaannut sulinerput ingerlatissavarput, tamatumani nunatsinni politikkikkut oqartussaasut Inatsisartut, naalakkersuisut kiisalu kommunit peqatiginerisigut.
Inussiarnersumik inuulluaqqusillunga
Søren Alaufesen
siulittaasoq
