Kommuninut nutaanut ikaarsaalernermi pissutsit immikkut ittut atuunnerat pissutigalugu kattuffiup siulersuisui taamatut ataatsimiisitsiumasimapput KANUKOKA-p malittarisassai, suliassai siulersugaaneralu sammiumallugit. Tamatumalu peqatigisaanik ullumikkut kommunini aqutseriaatsit aammalu allatut qanoq aqutseriaaseqarsinnaanermut periarfissat paasissutissiissutigineqarput.
Taamaalilluni aallartitat ataatsimiinnissaannut Ilulissani septembarip 24-ani 25-anilu pisussamut piareersaataasumik ataatsimiittoqarpoq. Ikaarsaariarnermi ataatsimiititalianut/kommunalbestyrelsinngortussanut upernaaq qinersinerup kingorna kattuffiup siulersuisussaanik nutaanik septembarimi qinersisoqartussaavoq, taamatullu aamma kommunerujussuit sisamat 1. januaari 2009-mi atuutilernissaasa kingorna KANUKOKA-p qanoq atuunnissaa aalajangiiffigineqartussaalluni.
Paasissutissiiffiusumik ataatsimiinnermi apeqqut tamanna oqallisigalugu aallartinneqarpoq. Tamarmillu isumaqatigiipput nunap immikkoortuisa ataatsimoorlutik soqutigisaannik isumaginninnermi ataqatigiissaarisutut KANUKOKA atorfissaqartuassasoq, soorlu qitiusumik oqartussanik isumaqatiginninniartarnerni aqutsiveqarfittut, siunnersuisarfittut sumiiffinnilu politikkikkut soqutigisanik ataatsimoorussanik aallussivittut.
Septembarimi aallartitat ataatsimiinnissaanni aalajangertoqarumaarpoq siulersuisoqarnikkut aallartitallu ataatsimiisinneqartarnerisigut aaqqissuussinerit pissutsinut nutaanut qanoq naleqqussarneqassanersut.
Inussiarnersumik
Søren Alaufesen
Siulittaasoq
