Kalaallit Nunaanni Kommuneqarfiit Kattuffiat (KANUKOKA) Kimik IT-mut ingerlatseqatigiiffimmilu tassani aktiaatilinnut eqqartuussisulersuussinermini taperserneqarpoq. 1998-imi qarasaasiaqarfiup KANUKOKA Informatik-ip ingerlatseqatigiiffittut namminersortutut KANUKOKA-mit avissaartinneqarneratigut Kimik IT-ip pilersinneqarnerani eqqunngitsuliortoqarsimanera KANUKOKA-p eqqartuussisunut suliassanngortissimavaa.
Kalaallit Nunaata Eqqartuussivia 2006-imi aalajangiivoq KANUKOKA taperserlugu. Eqqartuussisulersuunneqartullu eqqartuunneqarnertik Østre Landsret-imi suliareqqitassanngortippat.
Ullumi Østre Landsretip Kimik IT piginnittuilu ataatsimoorlutik KANUKOKA-mut akiliisussanngortippai 10 mio. kr.-inik akilerneqarnissaasa tungaannut ernialigassanik kiisalu eqqartuussisulersuussinermi aningaasartuutinik 1,4 mio. kr.-inik.
Inussiarnersumik
Søren Alaufesen
siulittaasoq
Østre Landsretimi eqqartuussisut aalajangiinerannik allakkiaq matuma ataani pineqarsinnaavoq
