2009-mi januaarip aallaqqaataani kommunit kattunnissaasa kingornatigut atorfeqaannarsinnaanissaq kommunini sulisut akornanni nalornissutigineqarsimammat, matumuuna manna erseqqissarusuppar­put:

 

Aaqqissuussaanermi allan­ngortitsinerit ukiortaamiit pisussat pissutigalugit soraarsitsisoqassanngilaq.

 

Tamatumunnga tunngatillugu innersuussutigerusupparput pisortat suliassaqarfiinik aaqqissuusseqqinnissamik inatsit – immikkut inatsisiliamik taaneqartartoq – Inatsisartuni 2007-imi ukiakkut aalajangersarneqartoq sulisut tamarmik atorfeqaannarnissaannik qulakkeerinninnertaqarmat, tamannalu ikaarsaariarnermi ataatsimiititaliani tamani naqissuserneqarluni. Inatsit taanna naapertorlugu tjene­stemandit kommunini nutaani atorfeqaannassapput, sulisullu allat kommu­­­nini nutaani atorfeqarnissaminnik neqeroorfigineqassallutik.

 

Naalakkersuisut Ikaarsaariarnermilu ataatsimiititaliat siulittaasuisa pisortani suliffeqartut toqqissisimanissaat pingaartittorujussuuaat.

 

Inussiarnersumik

Hans Enoksen Naalakkersuisut siulittaasuat	Simon Simonsen Kommune Kujallermi Ikaarsaariarnermi ataatsimiititaliap siulittaasua	Asii Chemnitz Narup Kommuneqarfik Sermersuumi Ikaarsaariarnermi ataatsimiititaliap siulittaasua
Hermann Berthelsen Qeqqata Kommuniani Ikaarsaariarnermi ataatsimiititaliap siulittaasua	Jess Svane Qaasuitsup Kommuniani Ikaarsaariarnermi ataatsimiititaliap siulittaasua