Aasiaat Kommuniata 2007-mut naatsorsuutai suli naammassineqanngillat, aammalu partiip Siumup immikkoortortaqarfia kajumissaarisimavoq ukiortaami kommunit kattunissaat sioqqullugu qinigaaffik naalluinnalermat borgmesteriunini naammassigallassagaa.

 

Tamakku pissutigalugit Enok Sandgreen aalajangersimavoq Kalaallit Nunaanni Kommunit Kattuffiannut aallartitat septembarip 25-ani ataatsimiinneranni siulittaasutut qinigaanermi kingorna piaartumik Nuummut nuussamaaleraluarnini taamaatinniarlugu. Kommunit aaqqissuussaanerata maanna atuuttup naalernerani borgmesteritut suliassat kingulliit nakkutiginiarpai kommunit kattuffianni siulittaasuujutigaluni.

 

2009-mi januaarip aallaqqaataata kingorna Nuummut nuunniarpoq piffissaq tamaat siulittaasuussalluni, aallartitat ataatsimiinneranni aalajangiineq naapertorlugu.