Tusagassiorfinnut nalunaarutit 2010

• Anders Kielsen toquvoq Kalaallit Nunaanni Kommunit Kattuffianni siulittaasuusimasoq Anders Kielsen ulloq 9. novembari 2010 73-inik ukioqarluni toqukkut qimaguppoq.
• Ataatsimoortumik tapiissutissat isumaqatigiissutigineqarput Kommuninut 2011-imi ataatsimoortumik tapiissutit 741,0 mio. kr.-inik annertussuseqassapput.
• Innarluutilinnik isumaginninnerup tiguneqarnissaa 4. novembari 2010: Annertuumik innarluutilinnik isumaginninnerup 1. januaari 2011-mi kommuninit tiguneqarnissaa ullumi Maliina Abelsenimit Enok Sandgreenimillu isumaqatigiissutigineqarpoq.
• Kommuneqarneq Juuntaap pingaartitaraa 28. oktobari 2010: - Innuttaasut qanimut oqartussaaqataanerannik pingaartitsisoq, KANUKOKA-p siulittaasuata Jonathan Motzfeldt taama oqaatigaa eqqaaniarlugu oqaatsimini.
• Martha Abelsen KANUKOKA-mut siulittaasunngussaaq Aallartitat immikkut ittumik ataatsimiinnerminni kattuffiup aaqqissuussaanissaa nutaaq 1. januaari 2011-mit atulersussaq aalajangiuppaat siulersuisunngortussanillu nutaanik qinersillutik.
• Nussugassat pillugit oqaloqatigiinneq ingerlaqqippoq Suliassaqarfiit Namminersorlutik Oqartussanit kommuninut nuutassat pillugit politikkikkut ataqatigiissaarisut ataatsimiinnerannit tusagassiorfinnut nalunaarut.
• Isumaqatigiissummut tapiliussaq 2010-mi Namm. Oqartussat kommuninut ataatsimoortumik tapiissutaat millionip affaanik ikilissapput siusinaartumik pensionisiat qaffanneratigut akileraarutitigut isertitat amerlissammata.
• Ikililerinissamik oqaloqatigiittoqanngilaq Kommuninut tapiissutit ikililerneqaqqinnissaat pillugu kommuninik oqaloqateqarsimanerminik aningaasaqarnermut naalakkersuisup oqaasii ilumuunngillat, Enok Sandgreen nalunaarpoq.
• Kommunini qullersaasut peqataalerput Kommunini pisortaasut 13-it Suliniut Sullissiviup, innuttaasunik sullissinermik inerisaaruttulersup, workshopeqartitsineranut ataatsimoortinneqarsinnaasimapput.
• Aaqqissuusseqqinnerup nanginneqarnissaa Naalakkersuisut kommunillu politikkikkut ataqatigiissaarisui ataatsimeeqqaarput. Aaqqissuussaanermik iluarsaaqqinnerup nanginneqarnissaa isumaqatigiissutigaat.
• Tusarniaanerit pitsaanerulernissaannik isumaqatigiissut Naalakkersuisut KANUKOKA-llu isumaqatigiissutaanni pineqarpoq inatsisissanik piareersaanermi suleqatigiinnissaq aatsaallu pissutissaqarluartillugu sap. ak. 5 inorlugit piffissaliisarnissaq.
• Aallartitat immikkut ittumik oktobarimi ataatsimiissapput KANUKOKA-mut aallartitat ataatsimiinnerminni aalajangerput kingusinnerpaamik 31. oktobari 2010 immikkut ittumik ataatsimiissallutik Kalaallit Nunaanni Kommunit Kattuffiata siunissami qanoq iluseqarnissaanik aalajangiiffiusussamik.

• Iluarsaaqqinnermik ataqatigiissaarisut Naalakkersuisut kommunillu suliassaqarfinnik kommuninut nussuinissami aaqqissuussaanermillu iluarsaaqqinnerup ingerlaqqinnissaani politikkikkut ataqatigiissaarisussanik pilersitsipput.
• Isumasioqatigiinnissat kinguartinneqarput Kommunit suliassaqarfinnik tigusinissaat pillugu isumasioqatigiinnissat Islandimi innermik anitsinikkut arsakut timmisartornermut ajoqutaalernerat pissutigalugu KANUKOKA-p taamaatitiinnarallarpai.
• Tigusinissat pillugit isumasioqatigiinnerit Isumaginninnermut ataatsimiititaliani siulittaasut, ingerlatsivinni pisortat borgmesterillu innarluutilinnik isumaginninneq isumaginninnermilu suliassaqarfiit allat kommuninit tiguneqartussat pillugit ataatsimiissapput.
• Kuupik Kleistimut allakkat ammasut 16. marsi 2010: Borgmesterit Naalakkersuisut siulittaasuannut allagaqarput ataatsimeeqatiseralugu aaqqissuussaanermik iluarsaaqqinneq Naalakkersuisut tamarmiullutik sumut atorniarneraat oqaloqatigiissutigineqarniassammat. KANUKOKA-p siulittaasuata allagaa atuaruk.
• Siunertat ataqatigiinnerat paasisariaqarpoq 8. marsi 2010: Namminersorlutik Oqartussat suliassaqarfinnik kommuninut tunniussinissaq tunuarsimaarfigilissappassuk aaqqissuussaanermik iluarsaaqqinneq isumannarsissasoq KANUKOKA-p siulittaasua isumaqarpoq.
• Ataatsimoortumik tapiissutit 2010-mut isumaqatigiissutigineqarput 5. marsi 2010: Namminersorlutik Oqartussat aamma KANUKOKA 2010-mi kommuninut ataatsimoortumik tapiissutissat pillugit isumaqatigiissummik ullumi atsiugaqarput. Tapiissutit 789,3 mio. koruuniupput.
• Kommunit akunnerminni aaqqiiniarnerannut akuliunneq naleqqutinngitsoq 27. februaari 2010: Kommunit akunnerminni naleqqussaaniarnerannut pissusissamisoortumut tamatumunnga naalakkersuisunut ilaasortap akuliunnera naleqqutinngilaq.
• KANUKOKA-p aaqqissugaanera allanngortinniarneqarpoq 19. februaari 2010: Pisortat suliassaqarfiisa aaqqissuunneqarnerata nutaap kommunit kattunnerannik ilaqartup aallartinissarnerani qitiusumillu oqartussat suliassaqarfiinik tigusinissap piareersarneqarnerani KANUKOKA-p ataqatigiissitsisutut atuunnera naleqartorujussuuvoq, Enok Sandgreen oqarpoq.
• Akileraartarnermut inatsisissaq tunuarteqquaat 17. februaari 2010: Aningaasarsianit akileraarutit pillugit inatsisissatut siunnersuutip tunuartinneqarnissaa kommunit piumasaraat. Inatsisissatut siunnersuut akuerineqassappat nunatsinni inuiaqatigiinni siunissami ineriartortitsiviusuni isertitatigut pissarsiassat kommunit annikitsuinnarmik ilangeeqataaffigissavaat.
• KANUKOKA inatsisileritoortaarpoq 8. februaari 2010: Cand. jur. Ken Nyborg 1. februaari 2010-mit Kalaallit Nunaanni Kommunit Kattuffianni KANUKOKA-mi siunnersortaanertut atorfinippoq.
• Innuttaasunut sullissiveqarnermik inerisaasut nuupput 29. januaari 2010: Innuttaasunut sullissiveqarnerup pitsanngorsanngorsarneqarneranik inerisaavik, Sullissivik, ininut allanut nuuppoq. Aningaasaqarnermut Naalakkersuisoqarfimmiikkunnaarluni (ASA) maanna Kalaallit Nunaanni Kommunit Kattuffianni KANUKOKA-mi inissisimalerpoq.
• kanukoka.gl-imut nutaamut iserluarit 15. januaari 2010: Ukiut arfineq-pingasut sinnerlugit taamatut isikkoqareersimalluni www.kanukoka.gl – Kalaallit Nunaanni Kommunit Kattuffiannik paasissutissanik aallertarfik – nutaamik isikkoqalerpoq.
• Innuttaasunik sullissinerup pitsanngorsarnissaa siunertat pingaarnersariuassavaat 4. januaari 2010: Ukiortaami oqaaseqaat. KANUKOKA-p siulittaasuata Enok Sandgreenip pingaartippaa aaqqissuussaanermik iluarsaaqqinnerup kommunillu kattunnerata siunertaasa pingaarnerit aalajangiusimanissaat.