Anders Kielsen ukiorpassuarni kommunini politikkikkut ingerlatsinermi malunnaateqarsivoq 1970-ikkullu qiteqqunnerannit kommunit namminersorsinnaatitaanerat ineriartortitseqataaffigisimallugu.

Paamiut Kommunianni kommunalbestyrelsimut 1974-imi ilaasortanngorpoq, tassanilu 1975-imiit 1997-imut borgmesteriusarsimalluni viceborgmesteriusarsimallunilu partii Siumut aallaavigalugu. 1983-imiit 1989-imut KANUKOKA-mut siulittaasuuvoq. Aamma 1997-ip tungaanut Kalaallit Nunaanni Brugsenit siulersuisuini ilaasortaasimavoq.

Annasseeraq eqqaamavarput politikeriusoq qiimasoq eqeersimaartorlu, isummanik assigiinngitsunik naapititseriarsinnaassusilik. Nulia, meerai ilaqutaalu tamaasa kommunit kattuffiannit misiginneqatigaavut. Eqqaaneqarnera ataqqinartipparput.

Inussiarnersumik
Enok Sandgreen
KANUKOKA-p siulittaasua

Anders Kielsen 1977-imi septembarimi KANUKOKA-mut aallartitat ataatsimiinneranni.