Nuuk, 11. aggusti 2010: Kommuninut ataatsimoortumik tapiissutit suli 8 mio. kr.-inik ikililerneqaqqinnissaat pillugu kommuninik oqaloqateqarsimanerminik aningaasaqarnermut naalakkersuisup Palle Christiansenip 2011-mi aningaasanut inatsisissamik tusarliussinermini oqaasii ilumuunngillat - aammami kommunit tamatumunnga akuersaarlutik oqaaseqarsimanngimmata.

Akerlianilli kommunit KANUKOKA-llu periarfissat tamaasa atorlugit eqqaasitsissutigisarsima-vaat Namminersorlutik Oqartussat 2010-mi kommuninut ataatsimoortumik tapiissutinik 30 mio. kr.-inik ikililerinerat kukkunerusoq, pingaartumik kommunerujussuit nutaat aallartisaleruttorneranni piffissami pingaaruteqaqisumi. Aammalu Palle Christiansen ukioq manna borgmesterinik, kommunaldirektørinik KANUKOKA-milluunniit oqaloqateqarsimanngilaq 2011-mi suli 8 mio. kr.-inik ikililereqqittoqarsinnaaneranik.

Naalakkersuisut politikkikkut aningaasaqarnikkullu nassuiaamminni siunertanik nuannersunik saqqummiussaqarnerat maluginiarsimavarput. Tassani oqaatigineqarpoq meeqqat inuusuttullu tunngaviusutigut atugarisaasa pitsanngorsarneqarnissaat pingaarnerpaassasoq.

Meeqqat inuusuttullu sullinneqarnerannik isumaginnittut tassaapput kommunit. Naalakkersuisullu uungaannaq isigissapput isumaqassagunik kommuninut ataatsimoortumik tapiissutinik ikilileriniartuarnertik suliassaqarfik pingaarutilerujussuaq pillugu siunertat tusarnersut piviusunngortinneqarnissaannut akornutaanavianngitsoq.

Inussiarnersumik

Enok Sandgreen
KANUKOKA-p siulittaasua

Aningaasanut inatsisissatut siunnersuut pillugu paasissutissat: Una tooruk