Kommunini sisamaasuni pisortaasut nuna tamakkerlugu aamma pisortaqarfiit suleqatigiillutik Innuttaasunut Pitsaanerusumik Sullissinissaq pillugu suliniutaannut "Sullissivik"-mut peqataallualerput.

KANUKOKA-mut aallartitat ataatsimiinnerat Ilulissani qanittukkut pisoq iluatsillugu kommunini aqutsisuusut 13-it - kommunaldirektørit, Innuttaasunut sullissinermut fagchefit, forvaltningschefit, sekretariatchefit aamma kommunikationschefit - Suliniut Sullissiviup workshopeqartitsineranut ataatsimoortissallugit iluatsissimavoq.

Workshopip siunertaa ersarikkami - tassa suliniut Sullissivik aqutsinikkut qaffasissukkut atorneqarnerunissaa naqissusissallugu. Suliniutip imaattup, nunatsinni pisortat suliassaqarfiinik tamanik peqataalersitsisup aamma kattutsitsisup, piumasaraa aqutsisut illoqarfinni nunaqarfinnilu sullissinermut sulialinnut kivitsisuusunut, pikkorissunut tunniusimasunullu siulersortaassasut aqqutissiuissasullu.

Workshopi atorneqarpoq eqqartuinermut aamma attaveqaqatigiinnerup annertunerulernissaanut siuarsaanissamut, qulakkeerumallugu www.sullissivik.gl-ip maannamiit innuttaasunik sullissinermi atorneqalernissaa, kommunillu akornanni qarasaasiakkut attaveqatigiinnissaq.

Peqataasunit aamma suliniummi Sullissivik-mit workshop-ip ingerlasimanera iluarisimaarneqarluarpoq, tamarmillu naatsorsuutigalugu nunatsinni innuttaasunut sullissinermi www.sullissivik.gl sakkussatut siunissami atorneqarlualerumaartoq.

Paasiniaaffissaq: Hans Christian Sværd hcsv@kanukoka.gl
Toqqaannartumik tlf. 36 21 17