Sisamanngornermi apriilip 22-ani tallimanngornermilu 23-ani kommunini isumaginninnermut ataatsimiititalianut siulittaasut, isumaginninnermi pisortat kommunaldirektørillu kiisalu borgmesterit KANUKOKA-llu siulersuisui Nuummi ataatsimiissapput isumaginninnermi suliassaqarfinnik pingaaruteqartunik tigusinissaq isumasioqatigiissutiginiarlugu.

Tamatumani pineqarput annertuumik innarluutilinnik isumaginninnerup tiguneqarnissaa aammalu PPR-ip (tarnip pissusiisigut perorsaanikkullu siunnersuisoqarnerup) annertusisamillu immikkut ittumik atuartitsinerup tiguneqarnissaa, tamarmik 1. juuli 2010 pisussat.

Tamakkua saniatigut aamma oqaluuserineqassapput meeqqanik inuusuttuaqqanillu ulloq unnuarlu paaqqinnittarfiit kiisalu innarluutillit angerlarsimaffiisa tiguneqarnissaat suli ullulerneqanngitsoq.

Taamatuttaaq suliassaqarfiit isumaginninnermut tunngasut allat kommuninit tiguneqartussatut inassutigineqarsimasut eqqartorneqassapput, aamma Naalakkersuisut "Kommunit pillugit nassuiaataanni" inassutigineqartunut sanilliullugit - soorlu angerlarsimaffinnut orniguttartunik peqqissaasoqarneq meeqqerisunillu peqqissaasoqarneq eqqarsaatigalugit.

Tallimanngorpat KANUKOKA-p siulersuisuisa (taakkununnga borgmesterit ilaallutik) aamma kommunaldirektørit suliassaqarfinnut allanut Namminersorlutik Oqartussanit tiguneqarsinnaasunut tunngatillugu killiffik oqaluuserissavaat. Tamatumani ilaatigut pineqarput teknikkeqarneq aamma inuussutissarsiornermut suliffissaqartitsinermullu tunngasut, aamma Piareersarfiit.

Arfininngorpat 24. apriili isumasioqatigiinnerit naggaserlugit borgmesterit KANUKOKA-llu siulersuisui Naalakkersuisunut ilaasortanik arlalinnik ataatsimeeqateqassapput suliassaqarfinnik Namminersorlutik Oqartussanit kommuninut nussuiniarnermi siunnerfiit pillugit.

22. aamma 23. apriilimi isumasioqatigiinnerni pisussat allattorsimaffiat quppernerup matuma qulaa'tungaani talerpia'tungaani ilanngussami pineqarsinnaavoq.