Isumaqatigiissut KANUKOKA-mut aallartitat Ilulissani ataatsimiinnerata kinguninnguatigut KANUKOKA-p siulittaasuanit Enok Sandgreenimit naalakkersuisullu siulittaasuannit Kuupik Kleistimit atsiorneqarpoq.
Inatsisissat piareersarneqarnerini suleqatigiissitatigut suleqatigiittoqartarnissaa tusarniaanerillu qanoq piffissalerneqartarnissaat isumaqatigiissutigineqarput. Soorlu tusarniaanerit aatsaat immikkut illuinnartutigut sapaatit-akunneri tallimat inorlugit piffissalerneqartarnissaat isumaqatigiissutaavoq, taamalu aamma qaammat juuli kommunini sulinngiffiugajummat qaammammi tassani tusarniaasoqartariaqanngitsoq.
Naalakkersuisoqarfiit piffissaalluartillugu KANUKOKA-mut ilisimatitsisassapput Inatsisartut inatsisiliassaat suut qaqugu tusarniutigineqassamaarnersut.
Isumaqatigiissut matuma qulaani ilanngussaq pineqarsinnaavoq.
/Enok-Kuupik.jpg)
Enok Sandgreen aamma Kuupik Kleist atsioqatigiipput ilaatigut Ingemann Dorph, Kommune Kujalliup aallartitaasa ilaat, isiginnaartoralugu.
