Aaqqissuussaanermut Isumalioqatigiissitat qaammatini tulliuttuni Paamiunut, Nanortalimmut, Aasiannut, Upernavimmut, Qaanaamut, Ittoqqortoormiinut Tasiilamilullu tikeraarnissartik illoqarfinnilu taakkunani innuttaasunik ataatsimiititsinissartik pilersaarutigaat.

Tikeraarfissaq tulliuttoq tassaavoq Aasiaat, tassa apriilip 11-aniit 14-ianut 2005. Maajimi Nanortalik, Upernavik Qaanaarlu orninneqassapput.

Tassa imaappoq Aaqqissuussaanermut Isumalioqatigiissitat siunissami pisortat ingerlatsiviisa qanoq aaqqissuussaanissaannik inaarutaasumik kaammattuuteqartinnatik kommuninut tamanut tikeraarnissartik pilersaarutigaat.

Kikkut tamarmik oqalliseqataanissaminnut periarfissaqarnissaat pillugu isumalioqatigiissitat isumaliutiminnik ilisimatitsissuteqartuarnissartik aalajangiusimavaat.