|
Isumalioqatigiissitat namminneq ataatsimiinnissamik akornanni Qasigiannguani, Ilulissani Uummannamilu kommunit sinniisuinik isumasioqateqassapput Peqqinnissamullu Pisortaqarfiup sinniisuinik ataatsimeeqateqassallutik. Ataatsimeeqattaarnerit tamakku naggaserlugit Aaqqissuussaanermut Isumalioqatigiissitat innuttaasunik ataatsimiigiaqqusipput sisamanngorpat 1. juuli nal. 20.00 Qasigiannguani Katersortarfimmut. Innuttaasunik ataatsimiititsinermi qulequtaassaaq "Siunissami pisortat ingerlatsivii - Inuk qitiutillugu - Siunissami kommunini Namminersornerullutillu Oqartussani pisortat ingerlatsiviisa qanoq aaqqissuussaanissaat pillugu isumalioqataagit". Aaqqissuussaanermut Isumalioqatigiissitat, kommunit kattussuunneqarsinnaanerat pisortallu ingerlatsiviisa aaqqissuussaanerat pillugit oqallisilernerup malitsigisaanik Naalakkersuisunit pilersinneqarsimasut, taamatut oqallitsitsisarniarput najukkani assigiinngitsuni ataatsimiiffigiumaakkaminni. Isumalioqatigiissitat suliassartik naammassisimassavaat 2005-ip qiteqqunnerani. Isumalioqatigiissitat tassaapput KANUKOKA-mi pisortaq Martha Labansen (siulittaasuulluni), Aasianni kommunaldirektøri Hans-Peder Christensen, Toornaq Consulting-imi siunnersorti Nukaaraq Eugenius, Naalakkersuisut Allattoqarfianni pisortaq Jens K. Lyberth kiisalu Aningaasaqarnermut Pisortaqarfimmi pisortaq Peter Beck.
Inussiarnersumik |
