|
Pineqartoq tassaavoq 2004-mi septembarimi periarfissatut A-tut taallugu saqqummiunneqartoq , kisianni tamatuma kingorna oqallinneq tusareerlugu iluarsaateqqitaq. Periarfissaq taanna malissagaanni Kalaallit Nunaat kommuninut ukununnga aggorneqassaaq:
1. Avannaa (Kangaatsiaq, Aasiaat, Qeqertarsuaq, Qasigiannguit, Ilulissat, Uummannaq, Upernavik aamma Qaanaaq) - ullumikkut inui katillugit 18.564-it.
2. Qeqqa (Sisimiut, Maniitsoq, Ittoqqortoormiit aamma Ammassalik) - ullumikkut inui katillugit 13.190-it.
3. Nuuk (Nuuk) - ullumikkut inui katillugit 14.715-it.
4. Kujataa (Paamiut, Ivittuut, Narsaq, Qaqortoq aamma Nanortalik) - ullumikkut inui katillugit 10.116-it.
Periarfissaq taanna Aaqqissuussaanermut Isumalioqatigiissitat piffissami aggersumi nalilersortillugulu oqallisigitinniarpaat siunissami pisortat ingerlatsiviini suliassat qanoq agguataagaanissaannut kommunillu qanoq ilusilersugaanissaannut inaarutaasumik siunnersuusiortigatik. Periarfissarli maanna kaammattuutigisaat ilaatigut tunngaveqarpoq kommunit siunissami nukittoqatigiikannersuunissaannik kissaatigisamik.
Aaqqissuussaanermut Isumalioqatigiissitat kingullertigut ataatsimiinnerminni aamma qulequttat makku sammivaat:
Aqutamik naalakkiutaanngitsumik iluarsaaqqinneq
-
Aqutamik naalakkiutaanngitsumik kattussinnaanerit periarfissaapput.
-
2006-ip naanerani kommunit tamarmik aalajangereersimassapput.
-
Kommunit suli aalajangersimanngitsut inatsisit aqqutigalugit kommuninut annerusunut ilanngutsinneqassapput.
Qinersivik 2009 - 2013:
-
Suliassaqarfiit kommuninut nussorneqassapput.
-
Kommunerujussuit piviusunngortinneqassapput.
Innuttaasunik sullissineq pitsaanerususoq
-
Suleriaatsit allaffissornannginnerusut.
-
Suliassanik ilisimaarinninneq annerusoq kommuninilu sullissisunik ilinniartitsinerit.
-
Pisortaqarfiit innuttaasunut qaninnerulissapput.
-
Kommunit namminersornerusullu ataqatigiissumik IT-kkut atortoqalernerat.
-
Internet qarasaasiallu atorlugit innuttaasut imminnut isumagisinnaalissapput.
-
Inoqarfimmi sullissivik - saaffiginnittarfik ataaseq innuttaasut pisortat suliassaqarfiinik ikiorserneqartarfiat.
-
Sullissiviit sulisunik tamatigoortunik inuttaqassapput, taakkulu innuttaasut suliassanik nalinginnaanerusunik ikiorasuartassavaat.
Pisortaqarfinni atorfillit
-
Aaqqissuusseqqinnerup Namminersornerusuni kommuninilu atorfillit annertuumik eqqortussaavai.
-
Atorfillit suliassamik nuunneqarnerat naapertorlugu nooqataasassapput.
-
Atorfininnermi atugassarisat nuunnermi allanngortassanngillat.
-
Atorfillit eqqugaasut soraarsitaanissamut illersugaassapput.
-
Tjenestemandit atorfimminni atugassarisaat ullumisut iinnassapput.
-
Tjenestemandit atorfimmut naleqquttumut allamut nuussinnaanissartik pisussaaffigissavaat.
-
|
