Kommuneqarfik Upernavik, Uummannap Kommunia, Ilulissat Kommuniat, Qasigiannguit Kommuniat aammalu Aasiaat kommuniat isumaqatigiillutik imatut inassuteqarput:
Avannaani kommunit kattunneqarnissaat inassutigineqarpoq tassanilu Aaqqissuussaanermut Isumalioqatigiisitap inassuteqaataa ilalerneqarluni. Inassutigineqartoq tassaavoq Qaanaap Kommunianiit Kangaatsiap Kommunia ilanngullugu kommuneqarfinngortinneqarnissaa.
Kommunit kattunnerisigut pisortat suliassaasa allanngortinneqarnissaanni ingerlatsinissaq akisussaaffinnillu ingerlatsinissaq siunertarineqarpoq. Siunertatut pingaarnertut anguniarneqartut tassaapput kommunit annerusumik oqartussaaffeqalernissaat aammalu innuttaasunik sullissinerup pitsanngorsarnissaa. Inassutigineqarpoq Aaqqissuussaanermut Isumalioqatigiissitap kommuninut suliassanngortillugit inassuteqaataat malinneqassasut. Tassani pingaartinneqarpoq suliassat ikaarsaartinneqarnerini akisussaaffik tamarmiusoq aammalu aningaasaliissutit malinnaatinneqarnissaat.
Aaqqissuusseqqinnissami qinersinissamut tunngatillugu imatut inassuteqartoqarpoq:
- Avannaa qinersiviussasoq ataaseq. Qinersinermut inatsisissami qulakkeerneqassaaq
ullumikkut kommuniusut tamarmik ataatsimik ilaasortaatitaqarnissaat (kredsmandat).
Avannaani kommunalbestyrelse nutaaq 17-inik ilaasortaqassasoq
- Ikaarsaariarnermut ataatsimiititaliamut qinersineq Aaqqissuussaanermut Isumalioqatigiissitap
inassuteqaataa malillugu ingerlanneqassasoq, tassalu 2007-mi ukiakkut qinersisoqassasoq
- Ikaarsaariarnermut ataatsimiititaliaq l. januaari 2008 sulilluni aallartissasoq
- Ikaarsaariarnermut ataatsimiititaliap 1. maaji 2009 Avannaani kommunimi
kommunalbestyrelsitut sulinertik aallartissagaat
- Ikarsaariarnermut ataatsimiititaliami taamatullu kommunalbestyrelsinngortussami ilaasortat
tamakkiisumik ilaasortatut sulissasut taamatullu akissarsiaqartinneqassasut
1. januaari 2008-miit 1. maaji 2009-p tungaanut aningaasalersorneqarnerat landskarsimiit aningaasalersorneqassasoq
- Pituffik immikkut isigineqarani Avannaani kommunimut ilanngunneqassasoq
Inassutigineqarpoq maannamut kommunalbestyrelsiusut kommuniminni budgetit kingullermeerlugit 2007-mi suliarissagaat. Taamaalilluni ikaarsaariarnermut ataatsimiititaliap 2009-miit kommunimut nutaamut budgetit suliarissallugit.
Inassutigineqarpoq nunaqarfinni aqutsisoqarnerup allanngortinneqarnissaa ilaatigut nunaqarfiit
qanitariit ataatsimoortumik aqutsisoqalernerisigut. Erseqqissaatigineqarpoq nunaqarfinnut
ingerlatsinermut akisussaaffiit ersarissut tunniunneqassammata.
Jens Immanuelsen, Kommuneqarfik Upernavik
Jens Lars Fleischer, Uummannap Kommunia
Anthon Frederiksen, Ilulissat Kommuniat
Jess Svane, Qasigiannguit Kommuniat
Enok Sandgreen, Aasiaat Kommuniat
Borgerrådet, Pituffik
